[آرآئكم عن كـــل مـآآآ يخص طـآآلبـآت السنه التحضيري ]~♥

[Deev]

طبعا الجامعه غير عن المدرسه بكثير يعني متلا انتي تتحملي مسؤوليه كل شي ولو غبتي مافي احد بيقدر او يمشي او حتى يعيد الشرح . بعدين تخالطي كل اصناف الناس والجنسيات والطباع وطبعا الحلو فيها انو مو زي المدرسه تطفشي للو كنت من النوع الوحداوي يعني باختصار اي استايل كنتي من البنات بتعرفي تزبطي اوضاعك .
دراستها متوسطه الصعوبه بس احس مرا يبغالها تركيز لانو الاسئله احيانا تيجي غريبه عجيبه وبرضو يبغالها صبر وعزيمه وتحطي الهدف قدامك

اما بالنسبه للملابس فعاد احنا من جد انفكينا من المراييل
انا بصراحه من النوع اللي يهتم بالللبس والشكل واحب اطلع شيك وانا مسويا حركه طبعا اهلي ماسكين عليها لحد الان /من درجه احب ملابسي مرتبه ومهندمه ومطقمه كنت اطلع في الويكند ملابس الاسبوع كلو واكويه واعلقوا عشان ما انربش وقت الصبح ^^ وهدا الشي استمر لحد نهاية السنه يعني مو حماس بدايه السنه ع قوله اهلي
طبعا شي جدا مهم في الجامعه وهوا الشمس نصيحه يابنات البسوا النظارات الشمسيه وجيبو مظلات لانو الشمس مرا تعدم البشره واسألوا مجرب !
اتمنى اني افدتكم وخذوا راحتكم في الاسئله ^^