- مسآعدة’ / خطةة [ ب ] ; مآلهآآ ومآعليهآإ !

[Deev]

الاحصاء ماده جديده كليا علينا حلوه ومرا سهله بالبدايه بس يوصل بالنص يبغالها احد يشرحها مزبوط بس سهله ويبغالها تركيز وتدربي يدك ع مسائل كثييييير
انا الكتاب اشتريتو واعتدمت عليه كثير وخصوصا وانا انبهك من بدري ع الاشياء النظريه يجي منها كتير
المهم استخدمت ملخصين ملخص جمال سعدي واشرف بركات الاثنين مع بعض مرا جنان ماشاء الله
وحليت الاسئله اللي بعد كل شابتر وخصوصا ف جزئيه الدوري الثاني مرا مهمه وجا زيها بالزبط ف الاختبار
وكمان احضر السكاشن حقتها والسكشن هوا وقت معين يحددو يحلو فيه المسائل اللي نهاية كل شابتر

الاحياء
تعبتني نفسيا بالبدايه بس بعدين مشيتها سرها الفهم والحفظ البدري لانو مرا كلام كثير وطويل فانا اقلك نصيحه ادرسيها اسبوعيا ولا تهمليها ابدا!
افضل دكتورة بلا منازع دكتورة حنان الشاذلي مرا تفهم وتخليكي تحفظي معاها من كثر ماتعيد

الانجلش
كانت اخر همي لانها بوحدين فقط بس انا اقلك امسكيها مابين فتره وفتره وانا اشوف انها تعتمد ع لغتك اذا كانت قويا ولا وانا بيني وبينك دخلت الاختبار واعتمدت ع اللغه اللي معايا والحمد لله
تختلف الدراسه في دي الماده لانو فيها اختبار سبيكنج ودا مستواه يختلف من مستوى لمستوى
المستوى الرابع كان عن مواضيع وتتكلمي عنها بس ترا اذا الاستاذه تراعي حيمشي معاكي
دواه طويل ويتعب بس شدي حيلك واتجملي واتعرفي فيه ع صحبات لانو طفش لحالك -لا تسيري زي جلست طفشانه لحالي<3-

وع فكرا بعض الملخصات اللي قلتها انا عارضتها للبيع في موضوع الكتب
وبس ولا تشيلي هم واهم شي خلي عندك عزيمه وحافز

وفقك الله