تقديم استشارات مفيده لنكون على بينة ..

[اجواني]

اول شئ حابه اقولك لا تسمعي لكلام البنات او اﻹشاعات
حبدأ في الكيمياء : الصراحة على ماقد كنت اكرهها في الثانوي على ماحبيتها في الجامعه هيا تقريبا اسهل مادة في التحضيري حتى ماتحتاج ملخصات ﻷنو كل اﻹختبار يجي من السلايدات ( عروض البوربوينت ) واﻷسئله تجي مرة سهله الله يسعد المنسقه ليلى الحربي على اسئلتها بالرغم ماكنت عندها بس الحمدلله كان مرة حلو الكيمو واسهل من الثانوي بمليون مرة

اﻹحصاء : برضو سهل اسهل من الرياضيات بس يبغالو شوية تفكير ولازم تشترو الكتاب مررررا مهم واحضرو كمان سكشن مع سماح سندي وترى سهل لا تخافوا بس يبغالوا مذاكرة لا تستهينو فيه

بالنسبه للملخصات جمال السعدي او اشرف كلهم كويسين بس الدوري اﻷول احس جمال احسن ﻷنو الباب اﻷول كلو نظري والسعدي مرة مرتب ومسوي خرايط ذهنيه وتمارين حلوة وكمان الكتاب لازم تذاكرو منو

نجي لﻷحياء : طبعا احنا دفعتنا مرة مساكين ﻷنو الدفعات اللي قبلنا كان عندهم تست بانك ويحفظوه زي اسمهم وامورهم كويسه وكلهم جايبين درجات عاليه بس جاء على حظنا لغوا التست بانك وصار في سلايدات ولازم تذاكروها واحذروا من اﻹشاعات خصوصا في هذي المادة لا تسمعوا ﻷي احد انتو اهم شئ احفظوا السلايدات زي اسمكم و والله ماحتندمو واﻹختبار يجي منها بس كم سؤال يجي بلفه بس انتو ركزوا وانتو تذاكرو

وبالتوفيق لكم دفعه 13