دعونا نضع بحوثنا هنا (لوجه الله) لأخواننا الطلاب (بحوث الخريجين 2012 الفصل الثاني)

[salemf15]

المسار - ادارة اعمال تسويق
الدكتور ياسر بن عبدالحميد الخطيب
الدرجه 80


(مطلوب عمل البحث بعدد صفحات ماتتعدى 50 صفحه وفي البداية لازم تكلم الدكتور او تقابله عشان تتفق معاه على موضوع البحث اذا عندك موضوع ممكن تقنع الدكتور ويخليك تسوي البحث عنه او يقترح لك هو ثلاث مواضيع تختار منها واحد ويعطيك من عنده ورقه موضح فيها الطلبات والخطوات تاخذها منه او من السكرتير حق القسم وتبداء تسوي خطة البحث و الاستبيان بعد ماتخلصها ضروري ! تقدمها للدكتور يسوي عليها بعض التعديلات و يعطيك كم نصيحه بعدين تبداء في عمل البحث حسب توصيات الدكتور علما انه يتم طلب استبيان ورسم تحليلي للبحث واذا انت مجتهد وتتواصل معه مايطلب مناقشه اما اذا صرت قليل التواصل اذا انجزت البحث ممكن يناقشك )

الدكتور متواضع وعملي ويقدر الطالب الي ينشب له عشان اتقان البحث لانه زي ماذكرت عملي ! فياليت الي يصير له نصيب عند الدكتور ياسر يشد حيله ويروح له اول ماينزل الماده عشان يسجل اسمه ورقمه الجامعي وجواله ويفهم زين توجيهات الدكتور بعد ذلك لازم تعتمد الخطه و الاستبيان بعد مايوافق لك على خطة البحث و الاستبيان تتوكل وتكتب البحث كامل واذا كنت ناوي على الدرجه الكاملة a+ خلص امورك بدري وارجع للدكتور بدري بالبحث كامل قبل التقديم النهائي باسبوعين وياليت تكون زيارة شخصيه عشان يطلع ويوجهك وش تعدل بعد كذا عدل واطبع البحث كامل كذا الدكتور بيكون مرره مبسوط وبيعطيك الدرجه كامله .

بالنسبه لي كنت قليل التواصل مع الدكتور كلمته 3 او 4 مرات فقط بس كنت اطول معه بالمكالمه الدكتور عملي وبمجرد احساسه انك ترغب بتقديم البحث بالصوره المتوقعه منه مايقصر من ناحية الدعم بالدرجات .

شكرا لابو مشعل على هذا الموضوع واعذروني على الاطاله لان الموضوع يستاهل .