شرح لل covalent bond+>>؟؟

[سملّق :)]

سلام ..


كيف تعرفين الروابط ؟

اذا انتي تعرفين الفلزات واللافلزات من الجدو الدوري .. الباقي سهل


لافلز + لافلز = رابطة تساهمية

فلز + لافلز = رابطة أيونية




الفلزات : عناصر لها ( جهد تأين ) + ( ألفة الكترونية ) عااااااااالية

اللافلزات : عناصر لها ( جهد تاين ) + ( ألفة الكترونية ) منخفظة
،،،،،،،،،،

جهد التأين = هو الطاقة اللي تحتاجها عشان تطلع الالكترون اللي في المستوى الخارجي


الألفة الالكترونية = هي الطاقة اللي تبعثها الذرة لما يجيها الكترون في مستواها الخارجي

الذرة لما يجيها الكترون تطلع طاقة ... ( الألفة الالكترونية )

ولما تجي تأخذ منها الكترون تحتاج طاقة ..( الجهد التأين )



أوكي .. طيب ليه اللافلز مع اللافلز .. يصير تساهمية ؟؟

لافلز مع لافلز ( يعني جهد تأين وألفة الكترونية منخفضة )

يعني سهل انك تطلع الكترون من المستوى الخارجي للذرة

عشان كذا ،، كل ذرة ( الله لا يهينها ) تقط ب الكترون ( يعني تساهم بالكترون )



،،،،،،،

الرابطة الايونية

لافلز ( جهد تأين منخفض ) + فلز ( جهد تأين مرتفع )


واحد منهم أناني وطماع ،، والثاني دلخ ومايحافظ على حقه .. = النتيجة الاناني راح ياخذ حق الثاني :))

"""" اللي جهد تاين والفة الكترونية مرتفعة ( يعني اناني وطماع ويحب يستولي على الكترونات المستوى الخارجي )

"""" واللي جهد تأين والفة الكترونية منخفض ( يعني سهل انك تاخذ منه الكترون )


ف أكيد ان الذرة اللي لها جهد تأين وسالبية أكبر أنها راح تستولي على الكترون من المستوى الخارجي للذرة الثانية

فتصبح الذرة اللي استولت على الالكترون ( ايون سالب ) وتصبح الذرة الثانية ( ايون موجب )

وتتجاذب الايونين وتصبح رابطة :)


< احس كلامي مو مفهوم ..



،،،

المهم الخلاصة

لافلز + لافلز = تساهمية

فلز + لا فلز = أيونية


،،،،،،،،،،،،،،


شيء ثالث أسمه القطبية ... هذي صفة فقط

القطبية يعني قدرة واحدة من الذرات على الاستيلاء على الكترونات المدار الخارجي ... يعني الانانيـــة :))

....


كلما زادت القطبية .. تتحول الرابطة ايونية ....



وكلما نقصت القطبية بين ذرتين يعني صارت تساهمية اكثر ..



لان الذرتين في التساهمية كل واحدة تساهم بألكترون .. بس القطبية ( يعني واحد منهم راح ياكل الاكترونات كلها !! )

يعني يصير ايون سالب .. والثاني يرجع ايون موجب

وبالتالي تصير ايونية الرابطة :))


،،،،،


وش اللي يحدد القطبية ( يعني هذا أكثر قطبية من ذاك ) وزي كذا !!

السالبية الكهربائية

عارف انها موال جديد ،، بس سهله


السالبية الكهربائية في الجدول الدوري :::::

من اليسار لليمين ________ تزداد < كل ماكان العنصر يمين يعني يكون أناني وطماع اكثر ..

من فوق لـ تحت ________ تقل < كل ماكان العنصر فوق أكثر يعني يكون أناني وطماع وملعون بعد هههههه

،،،،،،


اسهل لك


لما يجيك عدة عناصر .. رتبيهم حسب ( حجم الذرة ) ولما تخلصي ( أعكسي الترتيب ) وريحي نفسك :))


،،،،

أتمنى ااكون وفقت . عارف اني طولت لكن لمصلحة الجميع :)

والله يوفقكم ..


اي خدمات اسئلة استفسارات انا حاظر :))