| مواقفكم في الإختبـآرات |

[الصقر 02]

بسم الله الرحمن الرحيم
السلام عليكم ورحمة الله وبركاته

تقول الحكمة عند الإمتحان يكرم المرء أو يهان فلاشك أن الإمتحانات تعتبر منعطفاً مهماً في حياتنا
وتحتاج للتفرغ والتركيز للحصول على أعلى الدرجات ولذلك فقد يصاحب فترتها العديد من المواقف المتنوعة
منها الطريفة ومنها السعيدة ومنها الحزينة وغير ذلك .


اذكر في اختبار الانقليزي في المرحلة المتوسطة
كـآن الإختبار صعب شوي وكـآن فيه سؤال (قطعه وعليها اسئلة)
وطبعا مثل هالاسئلة ما يحلّها إلا اللي فآهم في الانقليزي مثلي
نكتب الجواب الموجود في القطعه من النقطة إلى النقطة

ولكن هالمره جاء سؤال ما لقيت فيه كلمة تدلّني على مكان الإجابه في القطعه
فتوهقت وجلست في القاعه الين طلع أغلب الطلاب وبقى كم طالب
والله ويجي مدرس الماده وكـآن طيّب الله يذكره بالخير وآخر سنة له كآنت في التدريس
المهم سألته وانا خجلان لأن مو من عادتي اسأل حتى لو ما عرفت الجواب
بس المرّه هذي تهوّرت وسألت , المهم طـآلع فيني الاستاذ بنظرآت كأن ودّه يقول والله انك طعس
المهم حلّ السؤال واستانست أنا وشقت وجهي ذيك الابتسامه
شوي وأشوف اللي قدامي يسأل الاستاذ ويعلّمه الاختبار كـآمل
عاد هنا بصراحه أنّبني ضميري فقلت الحين أنا خجلان عشان سؤال وهذا اعطاه الاختبار كامل !
والله وأناديه ومن دون ما أتكلم عرف وش أبغى وراجع لي الاسئلة سؤال سؤال
والحمد لله كـآنت أفضل درجة حصلت عليها في اختبار انقليزي
بس اللي قهرني إنّي أخذت 29 من 30 الله يهديه غلّطني في سؤال
وبس

حبّيت اطرح هالموضوع لمواقفكم في أيّـآم الإختبارات ؟
وماذا استفدت من الموقف إن كان هنالك فائدة ؟

عـآد أنا استفدت من موقفي إن
[ هذا يعتبر من الغش فلا تضحك على نفسك وتقول مساعدة ]

وبالتوفيق للجميع للحصول على أعلى الدرجـآت
في الدنيـآ والآخره