للعلم والفائده وقد اعذر من انذر

[يتيم الفرحة]

السلام عليكم ورحمة الله وبركاته

صباحكم فل و ورد وياسمين وجوري وكادي والى اخره

لان ولد خالتي ينتظر مني رد بخصوص المواد الحرة والاختيارية حبيت اعطيكم اللي عندي من واقع تجربه .

بسم الله نبدا :

اي ماده عند الدكتور / فهد العيتاني الاخ الاكبر لي ولكم بعد اختباراتكم ان شاء الله حاولوا تنزلوها وبسرعه لانه في قمة التعامل والاخلاق اللي ماراح اتكلم عنها الين انكم تجربونه ويكفيني تبسمه يوم الاختبار وقلبه الطيب صدقوني راح تدعون لي بعد ما تشوفون اختباراته وانه يتعمد مساعدة الطلاب واكثر الاختبارات تكون من اختبارات سابقة وهذا من واقع تجربة اربع مواد معاه .

اما بخصوص مادتي ادارة الجودة وادارة الجودة بالاجهزة الحكومية صحيح ان كتابهم واحد لكن كل دكتور له اسئلته الخاصه وبالنسبه لي انا اصبح على الدكتور ناصر كدسه واقول بيض الله وجهك وجعلها في ميزان حسناتك لانه الترم اللي فات قال انا اوريكم بالاسئله 500 طالب ماخذين الماده اختياري و 35 طالب مقرر اجباري معقولة للدرجه هذي تستهينون بالمادة راح تشوفون الاسئله ولكن يوم جاء الصحيح طلع على حقيقته وطيبة قلبه والاسئله نفس الترم اللي قبله ومشكور يا اخ ناصر .



واللي يبي ال a+ يذاكر من الكتاب بالنسبة للمادتين لان فيه رسمات اذا فهمتها راح تحل بالاختبار ان شاء الله وعلى الرسمات من فهمك يجي صح وخطا ارجوا التركيز على النقطه هذي خاصة هالمادتين .





اما بالنسبه للدكتور نايف الغمري الله يعطيه العافية اسئلته وسط بالعاده ويعطيك حقك باذن الله فالواجب انكم تركزون على موادكم اللي عنده اذا تبون a+ .





علي القحطاني ركزوا على اسئلته للاترام السابقه ما يغيرها بالعاده ولا انه راح يتعبكم بالدورات التاهيلية .

خالد الشعيبي الله يعينكم عليه وذاكروا من الحين لان اسئلته يبيلها دكتور ثاني يحلها وخاصه اللي اخذ الترم هذا مادة بحوث عمليات 322 .

نبيل مرسي الاخ الودود المحترم اسال الله انه يفتحها في وجهه اينما ذهب مع الاخ فهد العياني اسئلته حلوة وواضحه .


نايف العمري يكفينا اخلاقه وتعامله الطيب واحترامه لك كشخص اسئلته مرة حلوة مع الدكتور نبيل مرسي وخاصه ادارة الجودة الشامله ةاحب انوه اللي يبي درجات عالية يذاكر من الكتب صحيح فيها تعب شوي لكن التسلسل بالمواضيع يريحك بالمذاكرة مو مثل بعض الملخصات اللي ناقصه تحصل اكثر الطلاب يوم الاختبار عند المكاتب بالليل يدورون ملخص يرسون عليه ويذاكرون منه .



اتمنى اني افدتكم ولو بشي بسيط ولا انتظر منكم الا الدعاء بالتوفيق والهدايه ووالدي بالرحمة والجنة ووالدتي بطول العمر والصحة والعافية .

محبكم ( ابو جوري )