هل الممل الدراسي طبيعي وهل له حل؟

[عبدالله بن عبدالرحمن]

اخوي مستر جون ^_^ قصدي محمد
اسعد الله صباحك طال عمرك بكل خير وسعاده
اخوي سبحان الله وكأن كلامك طالع مني انا ومن كل طالب بالقسم
اخوي والله اليوم فكرت بنفس كلامك وفكرت مو اترك الجامعه لا بس فكرت ع الاقل أأجل ترم
اخوي كل الناس زي كذا عشان ضغوطات الحياه وبيني وبينك لمن اتذكر السداد يجيني شد عضلي بأذني
بس هذى هي ولانك تشبعت مذاكرة واختبارات وسهر وتعب ولانه دوبنا خلصنا الترم الماضي ومازالت ذكريات الامتحانات قريبه لذاكرتك .. بس لا تفكر كذا دام لك زملاء يحبون لك الخير فماراح يخلوك تفكر كذا..
نزل جدولك طال عمرك وخذها تمضيه وقت لمن تفضا روح قلب بالكتب ولعلمك لمن تشتري الكتب بيجيك فضول غير طبيعي تطلع على محتويات الكتب وبعدها بيسير يتصلو عليك الزملاء لمناقشه المواضيع وشوي شوي الا وانت مخلص كل المنهج وانت مرتاح وبعدها ماتدري الا وانت تقدم ع اجازة لاداء الامتحان هذى هى الحياه اخ محمد
لا تفكر كذا ابدا وصدقني ماراح تدري الا وانت خرييييييييج
بما انك عشت بأمريكا بالله وش اللى متعبك طيب وش قولك باللي طول عمرة عايش بتبوك ^__^ ولا كلمه انجليزي وماشي حالي ولا ابو الاء طول عمرة عايش فى قلووووة وما اعرف الانجليزي الا هنا بالجامعه وشوفه ماشاء الله من الاوائل بسم الله عليه ولا سلطان شمر توه طلع الاسبوع الماضي من طعوس حفر الباطن ^_^ والحين بلبل ماشاء الله طيب انت متممكن مو مثلنا عينك 24ساعه بالكتاب .. اتمنا تكون فهمتني يا بطل
محمد انت من الطلاب اللى متأملين فى الله ثم فيه الخير لاتخلينا يابطل لا تخلينا يابطل


اسال الله لنا ولك التوفيق وبأذن الله نتجمع ونسهر يوم تخرجنا جميها في يوم واحد والجعه على حساب ابو ألاء ^_^