بدء تسليم وثائق التخرج للمتخرجين للترم الاول

[bandarman]

شوف يا باشا اول شي تتوجه لمبنى عمادة القبول والتسجيل الدور الثاني لمبنى عمادة القبول والتسجيل لمكتب وحدة الشؤون التعليمية للإنتساب رقم المكتب(72-3)

ستجد موظف مختص بتسليم وثائق التخرج لطلاب كلية الأداب واخر لطلاب الاقتصاد والإدارة تعطي الموظف بطاقةالأحوال وتوقع على كشف الاسماء ويعطيك الوثيقه وكشف الدرجات تاخذهم وتخرج من المبنى يسار وعلى طول بعدين تلاقي على يدك اليسار كفتريا جلنار تعطيهم الوثيقه وخمسه ريال يصورها 10 صور بعدين ترجع للدور الارضي عند اول دخول لك لمبنى عمادة القبول والتسجيل في الاستقبالتدفع عند اول موظف على اليسار ببطاقة الصراف كل نسخه من كشف الدرجات بعشره ريال ويعطيك الايصال والموظف اللي جمبه تعطيه الايصال والرقم الجامعي يطبع لك النسخ ويختم على صور الشهاده طبق الاصل.

اذا تبغى شهادة الثانويه اللي قدمت بيها تروح الشباك الاول من اليمين تسوي اخلاء طرف وتسلم البطاقه الجامعيه الاصل وتستلم الشهاده ، انا ماسويتها وخليت البطاقه معايا للذكرى...

بعدين توجه لكليتك وتحديدا لسكرتارية قسمك وتطلب منهم توصية علمية يعطيك الموظف النموذج تعبيه وتروح تدور على الدكاتره ، انا سويت اربعه بس وقعت اثنين فقط من الدكتور علي القحطاني وخالد الشعيبي هم اللي لقيتهم قدامي والدكتور خالد لازم يسوي رهيب ويحط في التقييم جيد وممتاز!! على اساس انه يعرفني يعني ،بعد التوقيع عليها تعود لسكرتارية القسم للختمعليها.
افضل وقت يكونو الدكاتره موجودين فيه قبل صلاة الظهر بنص ساعه الى بعد الصلاه يعني الله يعينك عليهم

(التوصيات هامة ومفيدة جدا مهما كانت وجهتك خاصة إكمال الدراسات العليا)

وسلامتكم