مهم جداً للمنشغلين بأستمرار بالامور الحياتية (أسهل تخصص)؟

[Alwaleed Bin Omar]

السلام عليكم

يا اخوان الامور ما تنحسب كذا ، ما احد يقدر يضمن الشيء السهل او الصعب ولا احد يقدر يأكد هذا الشيء

لنفرض ان شخص اختار اسهل تخصص ،، و واجه مادة واحدة صعبة ولها مستويات مختلفة مثلاً وهذا وهو داخل

اسهل تخصص على قولتكم !! وش راح يكون وضعه ؟ وشلون راح تكون حالته النفسية ؟

أنا اعرف كثير من الناس كرهوا التخصص وكل ما فيه بالرغم من سهولته بسبب مادة واحدة !! وصارت جميع نتائجه بعد تلك المادة في تدني وكل هذا بسبب العقد اللي شافها في ذي المادة !

ممكن أحد مننا يقول هذا الشخص زودها ليش وشدعوة عاد كل هذا عشان مادة ؟؟

لكن ما احد يقدر يضمن نفسيته اذا صادف هذا الوضع !

اتبعوا ميولكم والشيء اللي تشوفون أنفسكم فيه مبدعين !! وتذكروا انه في كل تخصص هناك 3 مستويات لدرجة صعوبة المواد : فهناك مواد سهلة ،،، ومواد متوسطة ،،، ومواد فوق المتوسطة وهذا التصنيف موجود في كل التخصصات

بو خالد عزيزي والاخوان والاخوات الكرام ،، كلامي هذا من واقع تجارب ناس كثير والله ،، ولا تعتمدوا على كلمة اسهل واصعب

لأنه يمكن تكون عندك سهلة / صعبة وعند غيرك العكس

فكروا زين لأن هذا الشيء اللي تسألون عنه ما يقدر يجاوب عليه الا انتم بأنفسكم

موفقين ان شاء الله ،، وسامحوني ع الاطالة