تصدقون جبت 62 في الاختبار وانا ما حضرت..؟

[الشهـــري]

ههههههههههههههههه
الله يسعدك ذكرتني باخوي نزل بحسابة حوالي الاربعين الف ريال وراح للبنك وابلغهم وقاله واحد الله يهدينا واياه ياخي خلها معاك ولا تدورلها واذا احد ارسلها لك بالغلط فبترجع لصاحبها لكن خلنا في المهم كم نصيبي بالموضوع هههههههه. زعل اخوي ولا ارتاح باله اليوم الثاني رجع للبنك ونفس الفلم لكن هالمره استقبله مدير البنك واعطاة ورقة اخلاء مسؤلية عن المبلغ وتجمد في حسابه بمعنى انها لا تزال بحسابه تحت مسمى المبلغ الاجمالي ولكن لا يجوز له التصرف بها نظراً لانها اصبحت مجمده ولا تظهر في خانة المبلغ المسموح التصرف به..
مشيت الايام والاشهر, ويوم من الايام راح لادارة الشؤن المالية التابعه لعملة الحالي وقابلة احد الاخوان وقال له ها بتسافر ولا سافرت ؟ ما فهم عليه وقال وش تقصد رد عليه زميلة انت مو تقول بتسافر اذا جاتك انتداب المهمه الفلانيه في الدولة الفلانيه . رد اخي عليه باستغراب وبابتسامه واثق : خليها تجي وعلى طول بسافر . رد زميلة نزلت بالحساب يا بطل قبل شهرين وعليها ............
ضحك اخوي ونزل راسه واستاذن من مديره ورجع للبنك . اييييه عاد دور للبنك ذاك الحزه 1-جيب اثبات من الدائرة الحكومية اللتي تعمل بها 2-تعبئة استمارات جديده وكانه يفتح ملف جديد 3-(نسيت اي بعد من كثر طلباتهم,زين ما تنازل عنها) وفي الاخير انحلت المشكله بعد احراااااااااااااجات واجهها من العمل وخاصتاً مديرة.
نرجعل لمحور حديثنا موضوعك مشابها ولكن طالما انك لم تختبر اطلاقاً فالقضية ستاخذ منحنى اخر لا سيما وانك ابلغت مدرس الماده والذي افادك بجائزية الحضور للاختبار . على اي حال اتمنى من الله ان يرزقك بالدرجه التي ذكرتها . واسئل الله العلي القدير ان يجعل لي ولكم حظاً من عنده