سنين و سنين وأنا[صابر]..وراح[اصبر]كمان وكمان معقولة في ثلاث سنوات ونص خلصت الجامعه!!

[feras351]

بسم الله الرحمن الرحيم

والصلاة والسلام على اشرف الانبياء والمرسليين

في هذه اللحظه تتزاحم الافكار والعبارات بمخيلتي ولكن بكتب اللي عندي واعذروني على عدم ترابط المواضيع لأن حتى هاللحظه مو مستوعب لين استلم الشهاااده والتوووصيات ابي امسك شيء بيدي !!


بفضل من الله وبنزول نتيجة اخر ماده كانت المشاريع الصغيرة نعلن تخرجنا بالحصول على البكالوريوس في ادارة الاعمال الدولية بمعدل 3.81 وتقدير جيدجدا ( ماشاء الله )

وبقصه دراستي بهالجامعات الى درجه صار عندي اربع بطاقات جامعية مختلفه مريت فيها بانواع من الاحباط لفترة والنجاحات تارة والمفأجات منها الغير سارة وأخرها ولله الحمد الخبر السار اللي انتظرته لأكثر من عشر سنوات ....


بدأت عام 2001 بجامعه الملك سعود كانت الرغبة ادارة او قانون رغبة ثانية ولم استمر اكثر من سنة .. لظروف المعدل والتحاقي بوظيفة

وفي عام 2005 التحقت بالجامعه العربية المفتوحه برضو بقسم ادارة الاعمال وكانت الجامعه ببدايتها وموضوع الاعتماد كان مخوفني وايضا طريقة الواجبات والمحاضرات كانت متعبة لي لأن النظام تعليم عن بعد وعملي كان مايتوافق مع طريقة الدراسه وبعد سنه اضطريت لترك الجامعه

وجلست في حيرة رغبتي باكمال دراستي وفي رغبة كسب الخبرة بعملي لأنه عمل خاص اكثر من انه وظيفة .. الى درجه حسيت ان الدورات التدريبية والخبرات لم تعد تنفع بدون الشهاده الجامعية ..

وفي عام 2008 دخلنا الجامعه وحاط في بالي انها اخر فرصه والعمر بيصير عامل مهم في الحصول على الشهاده ومابين مد وجزر بهالجامعه وكنت بخاطري اردد سنييين وسنييين وانا صاااابر وراح اصبر كمااااان وكمااااان .. بداية من السنة التحضيرية ومرورا بمفأجات التصحيح والأحلى الاسئلة المطابقة للاعوام الماضية وبونص بعض الدكاترة اللي لهم شكر خاص منهم الدكتور كدسه والعيتاني ومن حسن حظي ان الترم الاخير كان لهم نصيب الاسد من المواد اللي اخذتها ..

والحمد لله صار بعد ثلاث سنين ونص (سبع اترام وفصل صيفي ) نجحنا ومالقيت احد يستاهل الشكر والثناء الا اخواني بهالمنتدى على دعمهم ووقفاتهم الى درجه اني حسيت لفترة اني طالب انتظام مو انتساب من كثر ملازمتي للمنتدى حتى الايفون والكمبيوتر والايباااد اول صفحه صفحه المنتدى بمعدل شبة يومي لابد من المرور ومتابعة مايكتب.. حسيت اني بأحدى قاعات الجامعه مو بس بمنتدى من مجهودات الشباااب ومشاركاتهم اما بدورات تأهيلية او ملخصات او نماذج اختبارات او توووصيات لمن درسو المواد من الدفعات السابقه افادتنا كثيرررر وخففت علينا صعوبة بعض المناهج وسهلت علينا طريقة الدراسة ...

بعد تجربة ثلاث جامعات سابقة .. تجربه ونصائح لعل الله ينفع بها

1- حصولك على الشهاده يعتمد عليك انت فقط ..... يعني الشهاده يبيلها اهتمام وجهد وقبل هذا الاخلاص بالنية شرط ارى انه مهم يعني انك تستشعر انك بدراستك ومذاكرتك واجتهادك انت بمكانة طالب العلم يعني تصفي النية لله برغبتك للتعليم لتنفع نفسك واهلك ودينك ..

2- الاعتماااااد على الكتب ومطابقة المفردات مع الدورات التأهيلية بالدررررجة الاولى ...

3-المواد العلمية لمن يعاني من صعوبتها ابحث عن المدرسين الاكفاء وابتعد عن السباكييين بالسؤال والتجربة قبل الاعتماد عليييه ..

4- التززززم بالخطه بقدر المستطااااع لتفاااادي تعارض المواد لأجل عدم تاخر تخرجك ...

5- اختر موااااادك الاختيارية والحرة بددددقه متناااهية .. حتى لو اضطريت تأخذ ماده من خارج قسمك لأن النتائج المرتفعه تساااعد على تقووية المعدل .. اخترت من المواد الحرة تاريخ العلوم العربية والاسلامية والاقناع ومن الاختيارية تخطيط وتنمية موارد بشرية ومبادي السياسية وادارة الجوده والماده الاخيرة قصتها قصه اخذتها زياااده عن عدد ساعات التخرج التي حددت في اول الترم ب 128 ساعه لدفعه 09 لتصبح ساعاتي 131 ونفعتني كثييير في رفع المعدل من 3.79 الى 3.81 يعني زيادة بحدود 0.2 خير وبركه ..

6- دكتور الماده يمثل نسبة 50% من صعوبة او سهولة اي ماده ... والتجارب السابقه راح تكون تقييم بالنسبة لكم
7- محاولة ان يكون معك زميل بالجامعه حتى لو بقسم ثاني لأجل تحمسون بعض خاصة بالاختبارات حالة الملل تكون مزمنة .. في بداية دراستنا كنا اللي داخلين الجامعه تقريبا 12 شخص وكلن يمر بظروف صفينا على ثلاثه فيهم الخير والبركه ..وهذي من الاسباب اللي ساعدتني وساعدتهم خاصه لما يبدا يكسل واحد ويصيبة احباط اما بحذف ترم او تعذر بانشغال نربط بعضنا ببعض غصب عشان ماحد يتعطل ..

8- لاتفكر بالتأجيل او الحذف لأن كل تاخير يعني ابتعادك عن جو الدراسه بمعدل خمس شهور الى اربع شهور لكل ترم وهذا بيتعبك في الرجعه لجوو الدرااسه خاصه ان دراستنا تعتمد على المذاكرة والوعد الاختبارات ..

9- المنتدى المنتدى المنتدى .. فهي كليتك الافترااااضية عاود نفسك على البحث فيها والمشاركه والافاده والاستفاده

ولا انسى اشخااااص بهالمنتدى لهم فضل علي بعد الله في بعض الموااااد اما بنماذج او ملخصات او نصائح وللاسف من كثرهم وخوفا من نسيان احدهم

اقول بحق هالساعه المباركه وعسى الله يجيب هالدعوه

ان الله ييسر ويفتح عليه ويبارك له في صحته ورزقه وماله واهله

من استفدت منه بأي معلومه كانت وساعدتنا بعد توفيق الله في اللي وصلنا له

ومنهم هالمنتدى وكل اعضاااائه ذكورررررا كأخواااان او شقائق الرجال كأخواااات ...

هذا ما جال بخاااطري واعذروني على عدم التنسيق او ان كان هناك اخطاء ... ولأي استفسار تحت امركم ان شاء الله مانقصر باللي نقدر علييه ..

اخووووكم

فراس بن عبدالرحمن القحطاني