طريقك نحو التميز ( خطة ب ) ..

[Abdullah Al-juhani]

السلام عليكم ورحمة الله وبركاته

أول شيء أبارك للجميع نجاحهم ودرجاتهم الحلوة
زرعتم وها أنتم الآن تحصدون الثمار
مبروك لكل من أجتهد وأخذ درجات عالية وعقبال تدخلوا التخصص اللي في بالكم

---



اليوم بإذن الله راح أتكلم بإيجاز عن خطة " ب "
تعتبر مهمة جداً ولها دور كبير في قبولك سواءً ( الكليات الصحية ) أو ( كلية الهندسة )

خطة " ب " عبارة عن ثلاث مواد ( إحصاء \ كيمياء \ أحياء )
خطة " ب " سهلة جداً لكن للي يعرف كيف يذاكر ومن فين يذاكر
وذحين راح أتكلم عن كل مادة وطريقة مذاكرتها

" الأحياء "

الأحياء مادة سسسهلة جداً لكنها طويلة
الحلو في الأحياء انك اللي تختبر في ما ترجع له مره ثانيه خلاص باي باي
المادة طويلة نوعاً ما لكن مذاكرتك لها أول بأول ومحاضرة بمحاضرة بإذن الله أضمن لك الـ a+
اللي عدم وخسف درجات الطلاب في الأحياء الترم الأول هي كلمة ( يقولوا )
من البداية الدكاترة نبهونا وقالوا عن إلغاء التست بانك بإحتمال 99%
لكن تمسكنا بـ 1% انه ما يتلغي وما ذاكرنا أول بأول والأغلبية درجاتهم متدنية الدوري الأول
مع العلم انه في ناس أخذوا 30 والحمدلله أنا منهم اللهم لك الحمد < اذكروا الله
الدوري الثاني كان تقريباً فيه 3 أسئلة خارج السلايدات موجودة في التمارين
فمهم مذاكرة السلايدات ومراجعة التمارين ومرة ثانية أول بأول عشان لا تتراكم عليكم

" الكيمياء "

مادة أيضاً سهلة لكن دكتورك لازم يكون فاهم
اذا دكتورك مو مره أحضر عند واحد ثاني ( ينصحوا بـ د. ياسر العنقري )
مشكلة الكيمياء ما تعرف من فين تذاكر كل دكتور وطريقته
فيه الكتاب الصغير Chemistry For Preparatory Year 2nd edition
لكن بصراحة غير شامل للمنهج فلازم تدعم مذاكرتك بالملخصات
وأشهرها: يوسف زويل ، السيد

" الإحصاء "

أيضاً مادة سهلة لكن برضو تعتمد على دكتورك
بصراحة تبغى الفل مارك في كل إختباراتك أحضر لـ د. أحمد العم
بأي طريقة حاول تحضر له شرحه للمادة + السلايدات حقت الإحصاء كافية
لا ملخصات ولا هم يحزنون
أفضل الملخصات في نظري: جمال السعدي
الإحصاء جداً سهل وغالباً لا يدخل في نسب تسكين الكليات لكن المادة مهمة وعليها 3 ساعات لا تهملوها

---

نفطة أخيرة بالنسبة للكيمياء والإحصاء
قبل الإختبار بيوم طبقوا على إختبارات السنوات الماضية تجي نفس الأفكار بالذات الإحصاء

آسف على الشرح البسيط بس أتمنى أفيد أحد
وموفقين شباب وبنات الخطتين " أ " و " ب "