الله يرحم والديكم كم سؤال تطوير تنظيمي !!

[yesyes]

أول شيء يا اختي لازم تعرفين أن الكتاب من أول ورقة لأخر ورقة مافيه أي شيء يتعلق بـ السؤالين المذكورة في إستفساركِ على الإطلاق .

والشيء المضحك واللي يدل على مدى ذمة وضمير دكاترتنا اللي صراحة يحق لنا الإفتخار فيهم ..
إن كل سؤال مما ذكرتيه أعلاه اجابته موجودة في منهج أخر غير المنهج الخاص بمادة التطوير التنظيمي ..؟؟

يعني مثلاً عندك السؤال الثاني اللي هو الفرق بين الواسطة والتوصية ...هذا موجود بالنص في كتاب ( إدارة الموارد البشرية الطبعة الثالثة 2009 للدكتور مدني علاقي ...لو الكتاب موجود عندك راح تلاقي التالي : ما هو الفرق بين الواسطه والتوصيه في الوظيفه..ص230 -231

.....
طبعا الدكتور جزاه الله كل خير ذكرني بجاري " المصري " اللي يفهم في كل حاجة سباك نجار جزار ..إمام مسجد ...اي وظيفة هو مستعد لها ؛ كمان دكتورنا الله يوفقه من قوة حرصة على إفادتنا ماشاء الله عليه اللهم لا حسد ( شايل أسئلة كل المواد اللي هو بيدرسها في شنطة وحدة ...تطوير تنظيمي ؛ ادارة موارد بشرية ؛ دراسات معاصرة ؛ إلخ ... طبعاً لما يدخل القاعه اللي يطلع معاه كله خير وبركة ....ومهمتكم يا اختي انكم تبحثوا عن المادة اللي يتبع لها السؤال .....وبصراحة وبدون ماتزعلي ...يعني ايش تبغي الدكتور المسكين الغلبان يسوي ...؟؟ يعني جمّل الله حاله اللي بيشيل هـ الأسئلة معاه من سنوات طويلة ماشاء الله عليه بدون مايضيعها ......عاد الباقي عليكم ..هو كل شيء على الدكتور حرام عليكم يعني بـ الله هو يلاقيها من وين وإلا من وين من رواتبهم الزهيدة اللي ما تتجاوز 25 ألف وإلا من السلطة الضعيفة اللي في يدة ...؟؟؟
..........

نجي للسؤال الأول اللي هو ما هو الفرق بين المسؤوليه والمسائله ؟
كمان ذا السؤال موجود في كتاب دراسات ادارية معاصرة ....بالصدفة كنت اعمل بحث لأحد الزملاء ووجدت هـ المعلومة ....اما كتاب التطوير التنظيمي اللي خاص بالمادة لا يوجد فيه اي شيء يخص هـ السؤال وعشان اكون عادل ولست ظالماً الموجود فقط تعريف المسؤولية بدون المسائلة ...؛؛

....
عموما خذي الفرق عندك ؛

المسؤولية ... كل الواجبات اللازم إنجازها لإتمام عمل ما .
( مثال: حافز مسؤول عن صرف بدل اعانه بطاله وبكرر حافز هو اللي مسؤول ليس الدفاع المدني مثلاً ..... ) ...المثال من عندي للتقريب
أما المسائلة ...فهي تعني أن المرؤوس مسئول أما رئيسة عن الإستخدام الملائم للسلطة المفوض إليه وكذلك عن انجاز المسئوليات والواجبات المحددة له
مثال ( يجيء الملك طول الله في عمره يسئل الاخوان حقون حافز...هل قدمتم اعانه البطالة زي ما قلت لكم ...؟؟ )


...........