الرجااااء احتاج رأيكم

[ymosh]

السلام عليكم و رحمة الله و بركاتة
انا دحين زي معظم الللي داخلين السنة التحضيرية داخلة و مني عارفة اش اتخصص فكرت كتير اش ادخل قرأت عن كل التخصصات و لسة محتارة , كان قراري اول ما بدأت اني ادخل التخصص اللي انقبل فيه , و ابدا ماكنت حاطة في راسي ادخل كلية صحية لاني اعتبرها تحتاج درجات عالية مرة وان انا ما اقدر اجيب درجات , بدأت السنة و اختبرنا الدوري الاول و الثاني و الحمدلله درجاتي مرة عالية و اتطمنت اني باستطاعاتي ادخل كلية صحية اذا كنت ارغب اني ادخلها , لكني في نفس الوقت لاحظت اني ماابغى ادخل تخصص بس عشان كل الناس يدخلوه انا ميولي ابدا ماتتوافق مع الكليات الصحية , كان نفسي ادخل قسم ادارة اعمال او الit بس كل الناس يقولوا لي ان هذي الاقسام مالها مستقبل للبنات و اذا تجيبي نسبة عالية ادخلي كلية صحية و اش تبغي من الادارة او ان it ما ينفعك بالسعودية و غيرها كتير من العبارات اللي تحطم , و انا كل همي اني ماابغى ادخل تخصص ماله مستقبل اني ادرس و اتعب و اخر شي اقعد من غير شغل و اندم ليش دخلته , وكمان ماابغى ادخل تخصص مااحبه و ادرسه وانا كارهته و اقعد طول عمري كارهة تخصصي , مرة محتارة اش ادخل وانا احب الحاسبات و الادارة كمان بس مااعرف اش اسوي يريت احد يفيدني اذا هذي التخصصات لها مستقبل ادخل وانا متطمنة ...