اخــــتبـــآآر الأحيــآء "الجميــل" اليوم :)

[uchiha]

السلام عليكم و رحمة الله وبركاته
كلااااااامك جاء ع الصميم وترانا كلنا زيك ما عرفنا نحل شيء وربي شيء يفشششل !! أنا نفسي أفهم ليش تدرسون البنات بالإنجليزي و إنتوا شايفين فيه بعض البنات مستواهم الأول!!! يعني مييييييح بالإنجليش! نظام زي الزفت!
أبا أعلق ع اختبار الأحياء اليوم, طبعا والله ما أكذب إني ما خليت شيء إلا و ذاكرته حاولت آخذ أكبر قدر من المعلومات من كل شيء!
ذاكرت و أحفظ من هنا و من هناك قالوا اختصروا عروض قلت هاااااتوا قالوا نزلوا Training 720 سؤال قلت هااااااتوا قالوا ما في جداول و رسومات قلت طيب قالوا سالينا كلمت نزار و نزل العرض بلون مخالف وأنا اليوم الصبح جالسة أقراه و أحاول أركز فيه ,,
و في النهاية دخلت قاعة الاختبار و أنا كنت مترددة أغيب وللا لا طبعاْ بعد ما شفت كيف اختبار الأولاد و زي كذا قلت أبا أغيب لعل و عسى إنه يجيني وقت أذاكر, كلمت صحبتي وقالت لي إن الأولاد أصلا ما يذاكروا و كمان إنه ممكن تجينا المترجمة و نسألها و نشوووووف وتوكلنا ع ربنا و رحنا للجاامعة,
طبعاْ تجربة فضيييعة تمسكين ورقة الأختبار و إنتي كانك شايفة الورقة بيضا ما تعرفين فيها و لا إجابة قسم بالله بغييت أنهار بكى هذا و أنا مضيعة نفسي ف المواد الباقية عشان الأحياااااء !!!
ولاااا اللي زاد الطين بلة دخلت علينا استاذتنا فريال الله بس .. تقولنا :: يا بنات لمن تحلوا الاختبار الاختيار اللي تشوفوه بالمخ صح اختاروه , لا تحلوا زي الـ Training لأنه ترى فيه أخطاء و صححناها أنا و بعض الدكتورات.. طبعا الكلاس كله سكووت لحظة فجعة ع صدمة ع كل شيء! يعني التمارين اللي نحفظها الـ 720 فيها أغلاااااط ؟؟!!
و بالله كيف نشوف الصح ونختاره ؟!! يعني بالله عمرنا اخترنا الخطأ بالعنية!! حسسسسسسبي الله عليهم و ربي فوقهم ياااااا رب مو مسااااامحتهم ضيعوا مستقبلي ع المادة الزفت هذه !!
طيب مادام الـ Training فيه أخطاء ليش ما بلغتونا من بدري!!! يعني حتى حق الموقع حق نزار مو حلول الأولاد !! وطبعاْ الاختبار زي الزفت ما كلمت بنت و قالت لي اختبارها كان كويس, جايبين أسئلة من برى العرض يعني ممكن أفهم احنا كيف نحل ؟! ينزل علينا الوحي مثلا؟! وللا احنا العباااااقرة المتميزين اللي نحفر حفر عشان ندور ع المعلومات!
طيب ع الأقل قولولنا شيء قولوا محا تجيبون من العرض خلونا ندور ع المعلومات ع الأقل لا تجرونا زي الحمير قالوا يسار قلنا معاهم قالوا يمين قلنا معاهم! والله إنهم ناس ما تخاف ربي في أولاد و بنات بلدهم ! أنا كلمت وحدة أعرفها في الجامعة قالت لي إنتي و كل الطلبة كل وحدة تكتب رسالة و ترسلها للتعليم العالي هذا هوا حلكم لو ما فادتكم ( الاحتجاجات ) اللي سويتوها,
لأن الغلط من نفس القسم اللي يحط الأسئلة , عشان كذا يا بنات و يا أولاد احنا متضررين من الأحياء بشكل فضيع , خلاص كل واحد من جد همه معدلة وما يبغى يجلس ف البيت ع السنة الجاية خلي كل آدمي يكتب رسالة باسمه ورقمه الأكاديمي و القسم ونطلع كل معاناتنا,
هذه الشكوى حتفتح باب تحقيق كبييييير عليهم طبعاً شغلتهم غير قانونية يعطوننا أشياء نذاكرها و بعدين ما يجيبون منها, وسوري طولت عليكم كنت أبا أفتح موضوع بس قلت أشارك هنا أرحم..
و ربنا ما يضيع حقنا بإذنه و قدرته بيردلنا حقنا و تعبنا و مذاكرتنا.
و السلام عليكم