تجمع بنات (مستجد اعمال) لمذاكرة احصاء اعمال 271 &الدوري الاول&

[RHF]

السلام عليكم ورحمة الله . عندي سؤال اتمنى تفيدوني الحين لمن يقولي فترة الثقة مثلا 95 % على طول نعرف قيمة الزد طيب لوجاب نسبة مو موجود عندنا كم قيمة الزد كيف نطلعها ؟؟ وكمان كيف اطلع ال t اذا قلي انه فترة الثقة مثلا 95%

شوفي انا اطلعها بالميقا ، وطبعن في قانون الزيد ، بس ناسية رقم الصفحة في الكتاب ،

انا دايمن اروح للميقا ، بعدين كونفدنس انترفيل ، اخليه على اول اختيار ،

ودايمن احط اي قيمة من راسي ( لو يعني ابا اعرف بس قيمة الزيد ) ههههههههه يعني مو انو سؤااال و كدا

المهم

حتلاقي مكتوب Z و كمان T فانتي اضغطي على اللي تبيه

وتحتهم حتلاقي النسبة اللي انتي تحطيها

ولمن تسوي موافق ، حيطلعلك جدول ، ( طبعن انا حطيت بيانات من راسي بس ) فانتي ما عليكي بس طالعي في قيمة ال Z او ال T الي انتي طالبتها

وبالنسبة لو جاب نسبة احنا ما نعرفها ، ما يهمك ؟ لانو انتي في الميقا تحطي أأأأي نسبة و البرنامج يحسبلك هي مرررة عااادي

وترا في طريقة تانية ارتب من دي ، بس اانا مني فاكرتها ، لاني لسا ما حفظت شي

مممممم

وعندي سؤال بالنسبة للاسايمنت 2 وين الاقي الداتا فتحت الصفحة الي يقول عليها 727 ومالقيت وكمان هي موجودة في السي دي ؟؟

ايوا الداتا نفسها اللي استعملناها في اسايمنت ون اللي اسمها real estate

ورقم الصفحة غلط ، الصح هو 737

//

وعندي سؤال ثالث وين الاقي حل اسئلة الكتاب وهل هي مهمة ولا لا ؟ اتمنى تجاوبوني على اسئلتي وجزيتم كل خير :)

دا ان شاء الله احد يجاوبك عليه

لان الصراحة ما عندي السيلابس خير شر ، وممشية مع كم مسال في الكتاب + الاسايمنت

ويااااادوووب ملللحقققة

بس اكيد الاسئلة مهمة ، لانك حتتمرني اكتر ، وحتشوفي افكار اكتر ، وفي الاختبار محا تحسي بشي صعب ،

فانا اقترح ، انك تفهمي الدروس مززززززبوطططططططط ، وتحلي الاسايمنت وانتي مسسسستوعبة تمامن فكرة كل سؤال ،

بعد كدا امسكي الاسئلة الي في الكتاب ، واتمرني عليها ،

//

وممكن طلب ،

لو سمحتي لو عرفتي تحلي اي سؤال في الاسايمنت تنزلي طريقة الحل ، عشان نتناقش فيها مع بعض ، :)

ونستفيد زي ما نفيد :)

والله الموفق ،