استفسار عن الدكاتره + رايكم في جدولي + عده من الاسئله عن بعض المواد

[engWESS]

جدولك تمام ما فيه شي بس نصيحة مني دايما نزل أقل شي ١٥ ساعة كل ترم لأنك راح تفاجأ إنو المشوار طويل

بالنسبة للمواد إللي بتسأل عنها

ee201
مادة برمجة سهلة بس أهم شي تنزلها مع د. علاء جوده لأنو أحسن واحد يشرح و يفهم و تكتب معاه أول بإول
بس الله يعينك في الاختبار النهائي راح يكون أصعب اختبار يمر عليك في هادي المادة

ie201
مادة تيماات يعني راح تزبطلك فريق و راح تسوو مشروع المادة يحتجلها وقت و تفرغ و أهم شي أول بأول لأنو راح تكثر الاشغال مع الوقت ممكن تقول إنها مادة متوسطة ولكن في الأخير راح تحس إنها سهلة و إنك أستفدت شي ... عن نفسي أنا أقول نزلها عند د. شعبان نصير اسمع كلامو في المحاضرة و سوي إللي يبغاه و إن شاء الله a+ هذا رأيي و ممكن تسمع أراء كثيرة عن دكاترة ثانيين

ie255
مادة جدا سهلة بس يحتجلها شوية فهم إزا فيك حيل شغل تيمات نزلها (أكتيف) لأنو تاخذ فيها درجات أكثر و احتمال تاخد a أو a+ و إزا ما فيك حيل في د. الحركان يقولو أحسن واحد فيها و برضو في مدرس خصوصي ليها اسمو أشرف حراء