تجمّع لـ الطآلبآت إللّي طآلبين تحويل ..

[Dina-s-b]

معليش اختي بس حبيت استفسر من شي انتي قدمتي تحويل من اسنان لبشري طيب انا ابغا من علوم طبية لطب موازي ونسبتي تسمحلي بس وين اقدم طلب

امممم انا قدمت من قسم الحريم وقسم الرجال ما مريت من عند ابتسام بس رحت المركز الشامل..!!
اللي هوا الغرفة الكبيرة اللي فيها كراسي رحت وكلمتهم وفوق مليون مرة ارسل للمشاط رقمي الجامعي ..
واخويا راح وقدم معاملة من قسم الرجال..

قصدو يفتح التحويل يوم 20 ؟ والا تطلع النتايج =/ ؟ ومو كأنّو يوم 20 بدررررري .. ؟ اللي عندهم حذف وإضافة متى يسووا .. ؟ واكيد بهذا التاريخ تكون بدأت الدرآسه واحنا لسآ ماندري وين نروح ؟

دحين احطلك ردو بس على قولتك مرة مرة بدري :(..!!
المشكلة انو انا ابغى احول لبشري يعني في مقابلة شخصية..!! غير اللبس ما اعرف ايش اشتري دحين حق اسنان ولا بشري!! مو ضامنة انو طلبي راح ينقبل ولالا لانو قال قبل فترة انو حسب المقاعد =( يعني من جد ما ادري كيف منظمين الموضوع!! :( انا راح اروح وابدا فالاسنان لين يوم 20 لو ماشفت شي اتغير راح اكمل فكليتي والحمد لله خيرة من رب العباد =) عموما هادا ردو

نتايج قبول التحويل بين الكليات الصحية في 20 شوال

مع اني قلتلو انو ابغى اعرف النتيجة عشان المقابلة الشخصية ولا رد عليا =( مدري ايش الحكمة من تاخير قبول الطلبات حقة الكليات الصحية مع انها الكليات الوحيدة اللي تبدا من اول يوم دراسة =( يعني بيفوتنا اسبوع كامل :@