استفسار عن برنامج الدبلوم التربوي

[albader]

دبلوم في جامعة الملك عبد العزيز مافيه إنتساب أنتظام والمسائي يكون من 5 عصر إلى9 مساءً ( يمكن تغير الله واعلم لان هذا الدوام قبل سنتين )

حاجة طيبة بس المشكلة ماني من جدة دام فيها مسائي ان شاء الله يكون في جامعة الامام او الملك سعود

الجامعة العربية المفتوحة تداوم ربوع أو خميس فقط وووقت الاختبار حضوووور

وكل التواصل عبر الموقع وتحميل الواجبات وغيرها ~

درست فيها سنتين قبل ماسجل انتساب الوضع عنده سي للغاية كل شي عندهم بفلوس وفوق كذا واجباتهم معقدينه عشان تجيب لنا ناس بمبلغ وقدره عشان يحلونها لك

ابحث عن أختبار القدرات كيف يكون في قوقل تتضح لك الصورة أكثر .

هذا وش سالفته اقصد القدرات حق ايش وليش يطلبونه ومن وين اخذه ووش الفايدة منه

تممااااام أفضل شيء التخطيط لبعيد لو فعلاً راح تستغل الوقت وتقدر تدرس دبلوم مسائي مع عمل صباحي ليه لأ بالعكس وبعدها يكون مستواك أفضل منها راتب وعمل ومنها دراسة وكلها سنة الأيام تروح وراء بعض وانصحك تفكر دائماً في نتائج التعب وليس التعب نفسه ~

انا ماعندي مشكلة في التعب ولا عندي مشكلة في الدراسة اهم شي اوصل للي ابيه
بس تفاجات ان الدراسة انتظام والعمل لو احفر ماعطوني اجازة سنة لان النظام مايسمح واذا اجازة الاختبار حاسديني عليها اجل لو اقول لهم ابي اجازة سنة ممكن يحاكموني .

أنصحك بقدرات مطلوب لازم منه + كفايات ( أفضل يكون أحتياط يمكن يطلبوه في أي وقت وتغير الشروط بدون سابق إنذار ) + سيرة ذاتية مشرفة ( يفضل وجودها ) + توصيتان ( يفضل وجودها ) .

ماني عارف هذي ليش وكيف ومن وين نجيبه ووش تتكلم فيه ياليت توضحون لي ترى مش فاهم حاجة


الله يعديها على خير وتتيسر لي وافتك

شوكريا وانتظر الرد