الراسبين في فرنسي ون ابيييكم

[E N O U G H]

السلام عليكم ورحمة الله وبركاته
اولا اخوي الله يعوضكم ان شاء الله وتنجحون فيها
بس بقولكم اللي حصل معي .. انا بصراحه ناقل همها من اضفتها لانها لغة جديدة وتقرأ كلماتها تنسد نفسك
مع العلم قبل اختبارها باسبوع وانا ادور مدرس فرنسي ماخليت مكان مادورت فيه
المهم لما جاء قبل الاختبار بيوم فكرت وقلت وش بسوي الشكوى لله ومانيب موقف حالي كذا
رحت وشريت ملخص منزله احد الطلاب الله يوفقه دنيا وآخره وتصفحته .. وخليته عندي ورحت احوس بالمنتدى وانا شايل هم ومحيوس ولقيت واحد من الشباب منزل الاوراق اللي في الدورة التأهيلية اللي كانت من صفحة 92 الى 102
وحفظتهم عندي ونزلت ملخص ابو بيان وابو مقبل ... هذا كله قبل الاختبار بيوم
فاجلست مع المادة وبديت تقريبا على الساعة 12 في الليل والله يشهد علي
طلعت المادة مره سهلة وفيها فرصة لرفع المعدل
والمطلوب منها :
1- تصاريف الافعال (15) فعل .
2- الوظائف والجنسيات تحولها من مذكر الى مؤنث والعكس .
3- حروف الجر ومكتوب كل حرف جر ومع ايش يوضع .
3- ادوات التعريف لكل من الكلمات المؤنثة والمذكرة . يعني تعرف الكلمة اذا مؤنث او مذكر وتحط un او une
4- الأرقام من واحد الى 30 و الارقام 40 و 50 و 60 .
5- ادوات النكرة وتحفظ كل اداة وين تستخدم .

هذا منهح اللغة الفرنسية اللي كان مسويلي فوبيا وقلق ..
ياجماعة اللي صار صار وفكروا باللي جاي ... !
يعني اهتموا بالاشياء اللي في الدورة التأهيلية وتاخذون الفل مارك والاخوان والاخوات هنا والله متفاعلين جدا مع الطلاب ومايقصرون ابدا ... فالمنتدى له فضل بعد الله بنجاحي
والله يوفقكم ويعوضكم ...


آسف على الاطالة بس يزعلني لما اشوف احد راسب

ودمتم