مجمع يحوي جميع متطلبات الطلاب والطالبات.

[خالد9921]

وعليكم السلام ورحمة الله وبركاته
طبعا فكرتك تندرج تحت إطار الجامعات الكامله المتكامله
بعض الجامعات الاجنبيه فيها مراكز الترفيه اللي تتكلم عنها وداخل الجامعه وليس خارجها
عموما إنت الحين تقول مقصدك إنك يكون مركز ترفيهي ماله علاقه بالجامعه وخارجها
طبعا رأي الطلاب والطالبات من الحين اقولك كلهم مؤيدين دامه شي في صالحهم
فهذا شي مفروغ النقاش منه
لكن ليش ما يصير هالشي ؟ ايش العوائق اللي تمنعه ؟ .. هنا السؤال المهم
اول شي مشروع زي هذا يحتاج لدراسة جدوى عشان يثبت نجاحه من فشله
اي رجل اعمال راح تعرض عليه الفكره
راح يسوي دراسة جدوى قبل ما يشرع بتنفيذ المشروع
اول المعوقات اللي راح يلقاها
وجود منافس قريب وبنفس المنطقه اللي هو الجامعه مول
وبالتالي لو انه فاتح فيه منطقه ثانيه فاضيه ما جنبها اي مول كان احسن وافضل له
خاصة انه يبحث عن الربحية اكثر بمليون مره من وناسة الطلاب وفرحتهم ...
وثانيها عدم وجود ارض اقرب من الجامعه لارض الجامعه مول
لان جميع الاراضي المحيطه بالجامعه املاك ومباني للجامعه وللمدرسه اللي جنبها .. !!
وثالثها إن فكرة المول ما راح تختلف عن المولات الثانيه
وبالتالي من الصعوبة انه يعتمد فقط على رزق الطلاب والطالبات بالصباح ويخسر الليل
في حاله انه خصصه بالمقام الاول لهذا الغرض ..
ناهيك عن إن اساسا في مولات تقوم بهالغرض بالصباح مثل الجامعه والاندلس ..
رابعها ان احيانا لا يمكن فتح مول يحتوي صالات رياضيه وامور ضخمه مثل ما انت متصور

لاشتراطات وامور تضعها بلديات المدن وامور ايضا تتعلق بالتجاره بمجال المولات عندنا
حتى الهيئه لازم يجيب منها موافقه خخخخخخخخ ,, !
يعني معليش حتى لو تم السماح له بعمل مشروع ضخم زي هذا
معقوله يخسر مئات الملايين على صالات وترفيه اعتمادا على رزق الطلاب اللي اغلبهم عايش عالمكافئه ؟
ولا عندهم عوائل ولا اطفال ولا رواتب شهريه محترمه تخليهم يصرفو صح بالمول هذا ؟
وإن لا يمكن المركز يحتوي عدد ضخم بالصباح يعوض خسائر التأسيس والارباح لانشغال الاغلبيه في محاضراتهم؟


كلامي مو تشاؤوم بس جزء من دراسة جدوى لاي رجل اعمال راح تعرض عليه هالفكرة
وبإمكانك عرضها على احدهم وراح يقولك اكثر من كلامي كمان ..

وفي ظل المعوقات اللي ذكرتها لك
تمنيت تخصص المشروع داخل الجامعه ومن املاك الجامعه
خاصة ان فيه جامعات اجنبيه يا عزيزي فيها امور الترفيه والنشاطات الطلابيه مثل ما تتمنى ..
عموما فكرة مثل مشروعك تحتاج لرأس مال يقارب الـ 100 مليون كتأسيس
وهاذي ما راح يرميها اي رجل اعمال من دون ما يضمن ان المدينه كلها راح يسترزق من وراها
ومن دون ما يسويها وفيه منافس له بنفس المنطقه وراح يأثر عليه
غير ان فكرة تأسيس المولات بالسعوديه تقوم على اسس المول بأقل الخساير واكبر الارباح
يعني تشوف اغلب المولات كلها بس محلات بيع ملابس ماركات وغيره وقليل من الصالات والترفيه ويمكن مافي اصلا
اعتمادا عالقوه الشرائيه فقط اللي ما راح تلقاها عند اغلب الطلاب طبعا ..

بالتوفيق