سؤال عن ترتيب الرغبااااااات .. خايفآآآآآآآآ...( تم تعديله)

[LeLou]

و عليكم السلام و رحمة الله و بركاته..
هم بالزبط أيش بيسووا..
يشوفوا كل الناس اللي رغبتهم الأولى طب أسنان مثلاً..
و يفرزوهم حسب النسبة الموزونة و الخاصة..
و يسكنوهم من الاعلى فالأقل الين ما تكتفي الكليه..
طبعًا حيبقى ناس ما اتقبلوا طب أسنان لانه نسبتهم أقل..
يقوموا يشوفوا رغبتهم الثانية و يدخلوهم في المفاضلة على الرغبة الثانية..
مثلاً الرغبة الثانية طب..
راح يدخلوا في المفاضلة مع الناس اللي رغبتهم الاولى طب أو رغبتهم الاولى طب اسنان وما سمحت لهم نسبهم انهم يدخلوا و رغبتهم الثانية طب..
و بعد كدا يفرزوهم حسب النسبة و ياخذوا من الاعلى فالأقل الين ما تكتفي الكليه..
و اللي نسبتهم ما تدخلهم طب يشوفوا لهم الرغبة الثالثة و هكذا..

و لو مثلا..
طالبه جايبة 99 و رغبتها الأولى علوم طبية..
و الثانية جايبة 98 رغبتها الأولى طب أسنان..
و طب الاسنان اكتفى عند 97 و العلوم الطبية اكتفت عند 95..
اللي جايبة 99 راح تتسكن علوم طبية رغم انها تقدر تدخل طب اسنان لانه هذي رغبتها..
و الثانية راح تتسكن طب اسنان رغم انه نسبتها اقل بس هذي رغبتها و هي حققت النسبة المطلوبة..
يعني هم يشوفوا انت حققت رغبتك أو لا لو حققتيها راح تتسكني فيها لو ما حققتيها يشوفوا الثانية و هكذا الين ما تحققي نسبة واحدة من رغباتك طبعًا على الترتيب..

بالتوفيق و آسفة عالإطالة~