انا بروح عمره انشاءالله الي يساعدني راح ادعي له وربي من كل قلبي

[T@RIQ]

المشاركة الأصلية كتبت بواسطة بيييسان اخوي طارق خلاص الجدول موراضي سبحان الله يضيف لي القانون الاداري مع سلوك تنظيمي اي هدي او هدي او احذف العربي واضيف المادتين خلاص ضفت عربي وسلوك تنظيمي وحذفت القانون اول انا ابي استاذه ثانيه بس شعبتها فل ثانيه شي اوكي مدحوا لي بوحده بس خايفه برضوا المهم حوريك الجدول عربي2 ثقافه2 استنى الشعبه تفتح اخلاقيات عمل زي ماقلت لك مابي افوت استاذدتها اداره الخدمه المدنيه برضوا مابي افوت استاذتها سلوك تنظيمي استاذه طيبه سبق واخدت معها اداره عامه مبادي سياسيه بخليها وبتوكل على الله بما انها سهله واسهل من القانون وربي يوفقني وابي نصيحتك ورايك ياااخوي وانا ماخده 15 ساعه 4 مواد سهله وثنيتن تركيز يبي لها ومشكور يااخوي ماقصرت استنى ردك

هلا اختي ،،، اسف على التاخير ،،، عموما هذا الجدول الاخيريعتبر سهل ،،، صح انه 6 مواد ولكن لكن3 مواد سهلة جدا عربي ثقافة اخلاقيات ،،، و3 متوسطة وتميل للسهولة سلوك وسياسة وخدمة مدنية.

عموما اختي بنبهكي لحاجه ،،، المشكلة انك انتي راح تنزلي المواد السهلة كلها بترم واحد وهذي المواد المفروض تتوزع على 3 اترام ،،، وراح تلاقي نفسك بالترمين القادمه ماعندك مواد سهلة الا الثقافة 3 و4 وهذي مشكلة ،،، لانها راح تضرك في توازن الجدول بعد كذا في الترمين القادمين بعد هذا ،،، لاني انا افضل يكون الجدول متوازن (كمثال عندك خمسة مواد تاخذي وحده صعبة و2 وسط و2 سهلة) هذا التوازن الي اقصده
عموما اختي لاتعتمدي الجدول هذا الا في حاله واحده ،،، اذا كان هذا الترم هو اخر فرصة لكي تحولين انتظام ،،، واذا كان عندك استعداد انك ماتنزلي اكثر من 5 مواد في الترمين القادمه لاني زي ماقلتلك ماراح تكون عندك مواد سهلة في الترمين القادمين الا الثقافة ونزلي وحده منهم كل ترم ،،، وبقية المواد راح تكون بين متوسطة وهي الاكثر وبعض المواد الصعبة في الترمين القادمين .

لكن زي ماقلتلك اذا كانت هذي اخر فرصة تحولي انتظام اعتمدي الجدول وتوكلي على الله ،،، واذا كانت عندك فرصة تحولي انتظام الترم القادم انا افضل اننا نحاول نرتب جدولكي على ترمين .

عموما زي ماقلتلك الجدول سهل ،،، وممتاز جدا للي يبغى يرفع معدلة ،،، لكن اهم شي الدكاترة ،،، ومو مشكلة انك تنزلي 6 مواد طالما انها اغلبها تميل للسهولة ،،، وتذكري المشكلة الي راح تتعرضيلها من تنزيل المواد السهلة في ترم واحد ،،، صح انه في مواد حره واختياريه سهله لكن انا افضل انها تبقى للاترام الاخيرة .

بالتوفيق اختي ،،، وخلاص اسمعي كلام الوالدة واعتمدي الجدول اذا كانت اخر فرصة وتوكلي على الله ،،، ولاتفهمي كلامي لما اقول مواد سهلة انها ماتحتاج مذاكرة ،،، انا قصدي ان هذي المواد لما تذاكريها تعتبر سهلة ،،، يعني من الممكن ان شاء الله انك تجيبي فيها كلها درجات عاليه اذا شديتي حيلك بعد توفيق ربنا طبعا .

تحياتي