تجمع طالبات المستوى الخامس انتساب--استفســـارات فقط

[nour al3mr]

يب كـآن عندي اختبـــــار ,,
من صبـآح رب العبـآد 7 ونص وانا في الجامعه ,, وقبل شوي رجعت ..

مــرة بهذله الله يرحمنا برحمتـــــــه ,,

بدأ الاختبار ع 11 و كان المطــــر بدأ .. وكملت الدكتورة الاختبــــــآر ..
على 12 قالت يابنات الوضع مايساعد أنكم تطولوا ,, مع انها تركت مجـآل ,, بس التوتر اللي في القاعه و البنات ينفجعوا من الرعد و الجوالات و الفوضى برا جننونــــــآ ماعرفنا نحل..
وع 12 ونص تقريبا قالت ياللا يابنـآت .. الأرواح ماتتعوض .. وسلمنـآ الورق من هنـــــــــآ .وطفوا الكهربـاء على المبنى ..

ننزل من الـرابع ( مكان الاختبار) نلقى المويــــــــــآ عالية شوي و المطـر قوي ..
انتظـرنا في المبنى وجات البـآصات و دخلوا رجال الأمن عشان ينقلوا الطالبات من المبـــــآني إلى البوابـات ..

المبنى الثامن صار فيه التماس كهرباء فقفلوه . و البنات اللي كان عندهم في 420 اختبار ماطلعوهم .. خلوهم في المبنى ,, و على العصر لما سالت عن صاحبتي قالت أنه خلوهم يمشوا من مبنى لثاني ..مره نقلوهم العلوم ومره مبنى ما افتكر ايش هو .. وبعدها جابوا باصات ونقلوهم السكـــــــــن ,, وكانت فيه لما سالت عنها ..

رحت لشمـآلية 1 ..
القى المبنى التاسع غرقـآن مويا ومتعبي بعدين على الساعه 3 جابوا سيارة ورجال عشان يسحبوا المويا اللي في المبنى ,,

جوة البوابة في استراحتهـــــــــــآ ,, السقف يتعبى مويا وينفجــــــــر .. فالأرض مويا وبهذله و الهوا كان بـــــآرد .. فثلجنــــآ .. تلاقي الرجفه على البنـــــــــآت ,..,

واللي تبكي واللي خــــآيفة ,, والمشكله كمان ان حتى الجوالات ماكانت تمســـــــك ..

والطرق للجـآمعه مقفله تماما ,., الوالد من 12 خرج ماوصل لي الا 4
وعشان نوصل لاختي الثـآنية مشوار .. و الطرق مقفله .. في شـآرع طــــــآح وانهار بس والله مو عارفه اسم الحي ..


فكـآن شيء مؤسف أن جدة و الجـآمعه و المسؤولين ما اتعضوا من أحداث العـــــــــآم ..