تكلم عن ذكرياتك الجميلة / الحزينة بأول ترم لك بالجامعة

[ho0oby]

ذكرى مضحكة : أول يوم رحت الجامعا وانا من مكة وبنت خالتي من جدة فدخلنا وهيا لقت كتير من صحباتها معاها شويا طلعت محاضرتها في مبنى تاني وراحت كل وحدة قاعتها خمسة دقايق كدا واخدتلي ركن وبببببكى هههههههههههههه دا كل اللي افتكرو اول يوم

وكمان مرررة انقهرت لمن لقيت الكفتيريا مافيها شوكولاتات بس بعدين اكتشفت كفتيريا تانية جيدة فيها كل شي هع

ومممم ايش كمان

الصراحا حبيت الجامعا وحبيت جوها حسيت اني كبرت شووياا بس يريت العقل يكبر هههههههه بس برضوو اكيد مافي زي الثنوي :(

ذكرى سيئة : درجة الدوري الاول في الفيزيا و محاضرات الانجليزي وقتها مرررة يطفشش

ذكرى حلوة : اني اتعرفت على بنات كتييير الحمدلله وربي يسعدهم كلهم ويسعد الجميع ويووم ما اخدنا محاضرة الانجليزي عالزرع وبعدها نزلت امطار

ذكرى حزينة : إني فقدت للمرة التانية أملي وطموحي بإني ادخل طب :(

وفي النهاية الحمدلله على كل حال ويارب لك الحمد والشكر على كل شي مر في الترم دا

عارفا انو هرجي كتيير هههههه خلاص سي يوو =)