مدام ان السهر فارض علينا مانذوق النوم

[ماجد ابن مرزوق]

أسعد الله مساكم بكل خير
أخترت هالقصيدة للشاعر\ فيصل اليامي
واتنمى أن تنال إعجابكــــم








على الاطلال لا تبكي كفى تبكي على الاطـلال


تنـاسـى الـهـم ياقلـبـي كفـانـا غربـلـه وهـمــوم


تعال احسب معي الايـام وكـم ليلـه بليـا وصـال


خلاص الماضي ما يرجع ترى حنا عيال اليـوم


هـذاك اول نعيـش بحـب ونتهنـى بـراحـة بــال


هذاك اول قبـل نكبـر وتصبـح ف العلـوم علـوم


ياقلبـي هــذي الدنـيـا ودايــم تنقـلـب الاحــوال


ترى ماني الوحيد اللي بصدري ضيقه ومكتـوم


انا ادري ان الزمن ظالم ولا يحسب عنا الرجال


واعرف الحظ ليمن طاح يبيلـه وقـت ليـن يقـوم


وذي قسمتنـا ياقلبـي تصبـر عالحـزن لـو طـال


امـر مكتـوب ومقـدر وكـيـف نغـيـر المقـسـوم


مهـو ذنـبـي ولاذنـبـك نـعـاف الحـلـم والامــال


مـدام ان السهـر فـارض علينـا مـا نـذوق النـوم


ياقلبـي تعبـت عيونـي وهـي تنظريميـن شـمـال


ادور لـلامـل لـكـن لقـيـت ان الامـــل مـعــدوم


ياقلبـي لا المطـر جـانـا ولا حـتـى بـعـد هـمـال


مـا غيـر تحوفنـا الغيمـه تمنينـا المطـر وتـحـوم


انا احب البحر واعرف هديـر المـوج واليامـال


ولكنـي معـا هـذا احــس انــي مااطـيـق الـعـوم


اعيـش بفقـري وراضـي ولا ودي يجينـي مـال


لاني لولقيت المال وجيت اشري عجزت آسوم


ياقلبي مر في سمعـي كثيـر مُـن الحكـم وامثـال


ولكن ما لقيت اصـدق مـن اللـي قـال بكـره يـوم


تـعـال نعـيـش دنيـانـا ونتـعـود عـلـى ذا الـحـال


ويمكن شمسنا تشرق وتصبـح ف العلـوم علـوم