كرات الكيكـ بالشوكلاتا..وحلى بارد يحيركـ بطعمه

[بستانة]

السلام عليكم ورحمة الله و بركاته
الحلى الاول

حبيت اليوم اعلمكم طريقة كرات الكيك المغلفه بالشوكلاه ..او الترافيل ،،



الاغراض اللي بتحتاجينها :

1- علبه وحده كيك جاهز اي نكهه شوكلاتا او فراوله او فانيلا اللي يعجبك ..
2- كريمة الجبن
شوكلاتا مذوبه
4- اعواد المصاص او اعواد الباربيكيو ( الاستغناء عن العود)
5- سباركلز للزينه

مقادير كريمة الجبن:
50 غرام زبده ( مايعادل نص اصبع واحد فقط) بدرجة حرارة الغرفه
نص كوب جبن فيلادلفيا او كيري (7 حبات ) بدرجة حرارة الغرفه
كوبين سكر ناعم
ملعقه صغيره فانيلا

الطريقه:
اخبزي الكيك بنفس الطريقه الموضحه عالعلبه


في اثناء ماتكون الكيكه فالفرن حضري الكريمه
( بخفق الزبده والجبن والفانيلآ واخر شي السكر الباودر بالتدريج )------ اتركي الكريمه على جنب

وبعد ماتبرد الكيكه فتتيها باليد


بالتدريج ضيفي الكريمه على الكيك وحركي بالشوكه
الين تسير عجينه متماسكه تقدري تشكليها كور او ان مانفع حطيها في التلاجه نص ساعه تتماسك اكتر




كوري العجينه كور بالحجم الوسط وحطي فيلها الاعواد


حطيهم في صينيه فيها ورق زبده ..وخليهم فالفريزر 20 دقيقه تقريبآ

بعدين دويبي الشوكلاتا البيضا اوالكاكو براحتك


غمسي كل حبه في الشوكولاتا


حطي الحبه المغلفه في ورق زبده ورشي السباركلز من فوق قبل لا تنشف الشوكولاتا
وزينيها بالشريطه حلوه




وبالهنا والعافيــــــه

الحلى الثاني
المقادير :
1)كيك جاهز { سويتز }أحبه أحسه ألذ كيكة
2)آيس كريم النوع إللي تحبون بس الكيك إذا
شكولاتة يفضل الآيس كريم فانيليا أو أي شيئ غير
الشكولاته والعكس صحيح وهذا يرجع لرغباتكم
وذوقكم الخاص فيكم
3) سنكرز
4) كورن فليكس
5) هيرشي
6) نوتيلا

الطريقة :
نبدأ بالسنكرز و الكورن فليكس و ملعقتان كبار
نوتيلا ، نفتت الكورن فليكس شوية ونمزجهم كلهم
مع بعض ونحطهم بالمكرويف يذوبون في بعض ويسخنون
مع بعض طبعاً

نحطهم على طول أول طبقة بكأس الآيس كريم

بعد كذا نقطع الكيك ونسخنه ضروري يتسخن شوي

نفتته شوي و نحطه فوق الطبقة الأولى و نوزعه بالملعقة

ثم نحط الآيس كريم

وزينوا بالهيرشي وممكن المكسرات حسب أذواقكم

أثناء الأكل تتذوقون شيئ حار و فوقه شيئ بارد
يصير طعمهم خطيـيـيـيـيـيـيـر
وبالعافية عليكم