السؤال عن الاختبار التحريري لوظيفة معيد ( قسم اللغات الأوروبية ) .

[blessed]

اهلين يا(معيده ان شاء الله ) بالنسبه لسؤالك ايوا انا قدمت على جده في شهر 8 وبعد التقديم مباشره شاء الله و سافرت خارج المملكه وفاتنى موعد المقابله الشخصيه وما كنت عارفه هي متى اصلا وبكذا ما ترشحت لدخول الامتحان مع انه اول ما رجعت راجعتهم بس ما اراد الله وجلست على امل انه ممكن ادخل الامتحان التحريري لانه فيه بنات عملوا المقابله وماارسلوا لهم رسايل لدخول الامتحان فقلت ممكن يسمحوا ليه بس هذه اراده الله والحمد لله على كل حال .بالنسبه اذا كان الامتحان لكل الفروع والله ياليت اقدر افيدك بس ما عندي علم .واما بالنسبه للمقابله تبعك عادي لا تشيلي هم هم يعطوكي هذا الاحساس وحده من زميلاتي قبل العام عملوا معها مقابله وكان احساسها زي احساسك لما خرجت من عندهم وانقبلت ما شاء الله وهي الان في كندا بتكمل ؛اعقيليها وتوكلي وخليها على الله اهم شي لا تياسي وحاولي مره ومليون وانا حاسه انها كم شهر باذن الله وتبشرينا باختيارك اهم حاجه اكثرى من الدعاء وخلي املك بالله قوي ماتدري الخير فين.سامحيني راح اكلف عليك بكم سوال ايش كانت الاسئله تبعك في المقابله ومتى عملوها لك وهل قدمت على رابغ او لا وجزاك الله الف خير.والف شكر على الرد وكنت اتمنى بجد انه اقدر افيدك