كل ما يخص وظيفتي باحثة علاقات دولية و كاتبه المطروحة للمنافسة من قبل وزارة الخارجية

[lafander]

مرحبا مدرسة حاسب ... انا معك وكلامك صح هذا من الايمان بالقضاء والقدر طيب هل تم الموضوع بمعنى هل قضى ربي انك خلاص متحتاخذين الوظيفة لا

هذا موقته الحين وقت الايمان بالله وقدرته على تحقيق الامنيات والاحلام والرغبات فكري بايجابية وانطلقي اشتغلي على الايجابية اسسي قوتك بايمانك ان الله كريم والله رحيم وان الله حيستجيب واحنا في اوقات فضيلة وباب التوبة مفتوح والمغفرة مفتوح والاستجابة مفتوح والدعاء مطلوب

اشتغلي على الايجابية واتركي السلبية كيف حاضرب لك مثال

لنفرض الانسه نون كانت مقدمة على وظيفة باحثة او كاتبه ولما جاء موعد المقابلة ماكانت المقابلة الواو ايش صار لها !!! خلاص المقابلة تمت وانتهت هذا قضاء الله وقدره طيب النتيجة انسه نون تقول انسي ماهي جايه لان المقابلة كانت خبيصه !!! وتقعد النفس الامارة بالسوء ( هذا موجود في كتاب الله - وان النفس لامارة بالسوء الا ما رحم ربي سورة يوسف آيه 53 ) تشتغل وز ايش يصير مع الانسة نون حتفقد ايمانها بالله وترجع تقول انا الخطأ ربي مو كاتب لي الوظيفة و تتشائم وتردد انا اصلا فاشلة ومدري ايش غير انها حتقعدين تعيد وتردد في الموقف لو اني عملت كذا لو اني سويت كذا ربي مو كاتب لي ...
فين الايمان بالقدر ؟
مافي لان ماتعزز ايمانك بالله وثقتك بقدرته


اعملي معي هذا التمرين ... غمضي عينك وبكل هدوء خذي نفس عميق واحبسيه شوي وبعدين ازفريه كرريها لحد ما تهدا نفسك ... وهنا فكري في اسماء الله الحسنة ان الله كريم حيكرمك ... ان الله قادر حيقدر لك الوظيفة ... ان الله مالك الملك ... رازق الكون حيرزقك اقعدي اشتغلي على هذة الاشياء هنا حتعززي ثقتك بالله مهما سويتي في المقابلة او الاختبار دائما ارجعيله واطلبي هو رحيم بحالك اكثر من امك ... جاهدي على تعزيز ايمانك بقدرة الله وثقي انه معطيك الوظيفة