نَصِيحه لِكل من جَآب دَرجَآت مُنخفضه !!

[sumaiah..]

السلام عليكم ورحمة الله وَ بَركآته

حدخل على طوول في لب الموضوع ..
وهوا شئ صار لي في 3/ ثانوي

في يوم من الآيآم كنت جدآ محبطه
وفكرت اني ابيعها وما ادخل الجامعه خلالالاص
كلوو بسبب نسبه سنه ثآني
كانت بالمره مأثره عليه
وما كنت اجيب درجات حلوه بعد كذا
بعدين قالت لي وحده من اعز صحباتي
ترا انتي بتذاكري وما بتجيبي درجات
كللوو بسبب شئ بسييط انتي مو عارفتو
قالت لي
الرسول قآل { ان الله عند ظن عبدي بي }
مآقآل [[[ عند حسن ظن عبدي بي ]]]
يعني شمل الظن كلوو

وانتي من اول تقولي
انا محا اجيب درجات حلووة
محا اقدر اخش الجامعه
محا اقدر احسن نسبة سنه ثاني
والله يعطيكي اللي تظنيه
تقولي ما ذاكرت تماام
خايفه اجيب العيد
ربي حيعطيكي على قد ظنك

والله يا بنات انو طوول ثالث وانا اقوول انا مذاكره والاسئله سهله
وربنا حيخليني احل على قد ما ذاكرت
والله في بداية السنه كنت 90% شايله من دماغي انو اقدر اخش الجامعه
لكن في النهايه
دخلت الجامعه بنسبه مررررره حلووة ودخلت السليمانيه كمان

وبالنسبه للي صار لي بالدوري الاول
انو الحمدلله ما اتشائمت من ولا اختبار
الا الكيمياء جلست اقوول انا حجيب العيد <~ وجبت العيد فعلا

الاحصاء كنت متفائله بس للأسف غلطت 4 اخطاء
ربي يعوضني ان شاء الله اهم شئ اني على a+
انجليزي .. الحمدلله عديتو بـ a+
الأحياء لسا ما عرفت بس ان شاء الله كآآمل

اهم شئ انكم تظنو انو ربنا حيعطيكم الشئ الحلو
وربي محا يخذلكم ابدًآ

الثقة بالله وحسن الظن بالله أول طريق النجاح

ثقتنا بربنا هي اللي بتخلينا نمضى وتخلى الحياة تستمر .. بجد حينما نحسن الظن بالله ربنا بيكرمنا فعلا ربنا ما بيخذل عبده المؤمن الصادق بيه