اللي حيختبرو قدرات يوم الاحد..مستعدين؟ جاهزين؟ من فين بتزاكرو؟ تعالو نستفيد من بعض..

[المتخرجة]

المشاركة الأصلية كتبت بواسطة زيزفونه المتخرجه يمدي في يومين اذاكر لاني نهائي ما أستعديت للامتحان ولا اخليها بشهر 4 احسن اوقات اقول شهر 4 احسن يمدي اذاكر وادخل كمان دوره القدرات للدكتور حمود النمري بشهر 3 لان ماعرفت عنها غير يوم الثلاثاء وبرضوا وقتها كنت في المعهد وحضرت شوي منهم وماقدرت ابداااا اكملها اليوم مايمدي احضرها لان وراي سفر ...... من كثر ماافكر ماني قادره اقرأ بالكتاب اللي معي اقول الحين اذاكر ع عجله لكن اللي بشر 4 اكون مستعده له زييين لان انا الحين لو بأجي الامتحان أضطر أروح ينبع لان أخوي هناك وبعدين هو يوديني جده لان مافي حجز طيران أحسها صعبه لو ماجبت درجه حلوه شوري علي الله يسعدك ...

اهلا زيزفونة
بصراحة انصحك تزاكري وما تضيعي وقت
لانك لو حتستني لاختبار شهر 4 ماتدري حتقدري تقدمي للماستر ولا لأ
علما انو التقديم للماستر حيكون في شهر 3
انا لو مكانك اختبر دحين.. ماتدري ايش ظروفك بعدين
شكلك زيي مالك نفس للمزاكرة وكمان شايفة المعلومات كتير وشبه بعض
بس برضو خلي الكتاب في يدك طول الوقت كل شوية افتحي واطلعي عليه واقريه<<< كأنك تقري مجلة
وعلى فكرة.. انا قرأت هنا في المنتدى في ناس قالو انهم اختبرو القدرات اللي في شهر 7
من غير مايزاكرو شي
يعني دخلو معتمدين على معلوماتهم العامة وجابو علامات كويسة
يعني اشالله الاختبار سهل بس يبغالو تركييييييز وهدووووء أعصااااااب<<< الله يسهل
وخلي فبالك انو
لايشترط علامة محددة للنجاح في اختبار القدرات
يعني الاختبار مافيه نجاح ورسوب
هوا شي مساعد في المفاضلة فقط

اتوكلي على ربنا وحاولي تزاكري واختبري وإن شاء الله نجيب علامات كويسة
وننقبل في الماستر ياااااااااااااااااب
وأي سؤال او استفسار انا موجودة باللي اقدر عليه