رخصة الهيئة السعودية للتخصصات الطبية

[سهيل عنواني]

المشاركة الأصلية كتبت بواسطة غـزلانـ مستشفى المركز الطبي قالي دورة cpr خاصه بالدكاترة بس اما قسم ادارة الخدمات الصحيه يدخلون دورة هارت سيرفر وهي دورة الانعاش القلبي بسئلك هل تفرق ولا مثل ماقالوا هذي للدكاترة والادرايين لهم دورة الهارت سيرفر

أهلاً أخت غزلانـ

الدورة المطلوبة لهيئة التخصصات الصحية إسمها ( دورة الإنعاش القلبي الرئوي bls )
بس ما أدري هل هي نفسها cpr أو لا
حاولي إنك تسألينهم وتتأكدين قبل لا تتورطين معهم والله يوفقك


بالنسبة لهيئة التخصصات الصحية
أنا قدمت عليهم يوم الإثنين وسجلوني وخلصت كل شئ عندهم وطبعوا لي ورقة الطلب وقالوا راجعنا بعد أسبوع
أخذت الورقة وطلعت للمدير فوق وقلت له أنا مسافر ومحتاج آخذ البطاقة والقرار اليوم ( طبعاً أكذب عليه ماني ناوي أسافر بس أبغى أفتك منهم وزحمتهم) !!
قام وكتب لي في ورقة الطلب لامانع من طباعة البطاقة والقرار اليوم ورجعت للموظف وخلصها لي بنفس اليوم وافتكيت

بس اللي يروح لهم لازم يكون مجهز كل الطلبات والحضور بدري الساعه 8 عشان يمديكم تاخذون أرقام بدري
لأنهم بعد الساعه 12 ما يستقبلون طلبات التسجيل

بالنسبة للطلبات :
- صورة من الوثيقة + الأصل للمطابقة
-صورة من شهادة الإنعاش القلبي الرئوي + الأصل للمطابقة
-صورة من بطاقة الأحوال أو كرت العائلة + الأصل للمطابقة
- صورتين شمسية مقاس 4*3
- ورقة إيصال من البنك تفيد أنك سددت المبلغ اللي عليك والمبلغ يكون حسب الفئة
بالنسبة لي سددت 860 ريال ( 500 تصنيف + 360 لمدة 3سنوات )

وأعطوني تصنيف أخصائي

على فكرة
الإنتظام يختلف عن الإنتساب لأني سمعت الموظف يقول لواحد من المراجعين إن الإنتساب لازم يحدد موعد مقابلة شخصية فقط بدون إختبار تحريري أما الإنتظام مباشر بدون مقابلة شخصية


الله يوفقكم جميع صح إنها حوسة بس بعدها ترتاحون