جدول مناسب لطلاب وطالبات القانون الجدد في القسم

[بحر الحرية]

المشاركة الأصلية كتبت بواسطة طآلبهـ جآمـع ــيـة اهااا جزاك الله خير أخي وبارك فيك بالنسبة للقرآن صدقت برأيك ، وشكلي حآخذه آترام جاية بالنسبة للثقافة أنا من أول قلت ما ح آخذها أول ترم ،، لأن الثقافة مادة سهلة وممتعة بالنسبة لي فآخذها قدام مع المواد الدسمة شوي ، مدري كذا جا ببالي طب التجاري ما ينفع مع الدستوري آخذهم ؟ .. يعني فـ نفس الترم ولا ح أثقل ع نفسي ! وإذا ممكن تشرح لي بشكل موجز عن طبيعة التجاري والدستوري من فضلك الله ييسر ان شاء الله جزاك الله خيرا أخي

أهلين خيتوو..

لا تخلي كلامي يأثر عليكي، أنا مجرد واحد بس يقترح عليكي بحاجة أنا أشوفها أفضل، يعني بالأصح ممكن رأيك انتي يكون أحسن، بس أنا بشوفه لا، ف اللي انتي ترتاحي له وتحسي إنوو الأفضل اعمليه خيتو وتوكلي على الله..

لو تبغي تجمعي دستوري وتجاري ومرتاحة لكداا، توكلي على الله وشدي حيلك وداا أهم شي عشان ترفعي معدلك وتجيبي درجات عالية..
لكن أنا بالنسبة لياا أشوف فيها شوية ضغط ليكي كمستجدة تجاري ودستوري ومبادئ.
وبالنسبة للثقافة طبعاا ما تتقارن بالدستوري، لأنووو الدستوري مادة تخصصية، لكن أنا اقترحت عليكي تنزلي الثقافة لأنوو يشبه منهج الأصول ويشبه منهج المبادئ بشكل عام، يعني بيتكلم عن القرآن والسنة والاجماع والقياس والاستنباط وحاجات حلوة وسهلة.

بعدين لمن تشاورنا كانت الآاراء من الطالبات إنه يتاجل الدستوري لين يصير عندكم خلفية ف القانون، لكن زي ما قلتلك إداا انتي قلبك مرتاح وتحسي نفسك راح تجتهدي توكلي على الله واعملي اللي ترتاحي له، ولو تطلعي ع الخطة الدراسية يكون أفضل، يمكن ترتيب المواد يفيدك بشكل عام.
http://law.kau.edu.sa/content.aspx?S...g=AR&cid=37895

بالنسبة للقانون التجاري:
بيتكلم عن الأعمال التجارية وتقسيمها وطريقة معرفتها، وبيتكلم عن التاجر وتعريفه وواجباته والتزاماته، والجزئية الأهم في الكتاب والجزء الأكبر فيه: الشركات التجارية وتاخديها بتفصيل أكتر.
لكن ف المجمل المادة حلوة وسهلة ورووعة كمااان.

الدستوريما حقدر أفيدك فيه.

الله يوفقك يااارب؛؛