طلاب التحضيري السنة الي فاتت

[الخلوق]

وعليكم السلام ورحمة الله وبركاته
أنا أبعطيك بشكل عام عن كل المواد أفضل ما وجدت من خلال تجربتي :
-في مادة الكيمياء :ملخص الأستاذ يوسف زويل (لكن المذكرة مهي كاملة إلا إذا كملها السنة هذي ما أدري) ،الجزء اللي مهب موجود في المذكرة هو الكيمياء العضوية تذاكره من كتاب اسمه (مختصر الكيمياء) وهو بالعربي وممكن تذاكر منه أي شي هذا الكتاب ساعدني كثير في الفهم ،وتذاكر من الكتاب الأساسي للمادة: التعاريف والملاحظات ، هي تجي في الكتاب مربعات ملونة يكون فيها تعاريف وملاحظات هي اللي تذاكره من الكتاب الأساسي ترا يجي منها في الاختبار.

-في مادة الأحياء :-ذاكر من التست بانك فقط ، أنا واحد سمع كلام الدكتور وذاكر من الكتاب والشرائح اللي يعطينا الدكتور وضيع وقته صراحة عليها ،ومن ثم حملت المادة وأخذتها صيفي ،لكن يوم جا الصيف وطنشت الدكتور ولا سمعت كلامه ،وذاكرت بس من التست بانك فقط أخذت درجة فوق 85 الحمد لله.

-في مادة الرياضيات:-ذاكر من مذكرات أشرف بركات.

-في مادة الإحصاء:- ذاكر من مذكرات أشرف بركات (وإن كانت كثيرة ،لكن الشرح مهو كثير اللي مكثرها مسائل).

-في مادة الفيزياء :- ذاكر من مذكرة أشرف بركات.

-في مادة الانجليزي:- لك طريقتك في المذاكرة ما أقدر أقول لك شي لأن حنا كانت إختباراتنا موحدة يعني كل المستويات اختبارها واحد ، لكن أنتم إختلفتو عننا(على حسب كلام دكتورنا السنة الماضية)إنكم راح يختبر كل مستوى من كتابه.

-والمواد الثانية بالعربي حاسب ومهارات اتصال تذاكر من الكتاب وإن شاء الله ما عليك خوف.

....وترا هذا الكلام اللي اقوله عن الملخصات شي من تجربة شخصية وارتحت لها ،وفيه ملخصات وكتب ثانية قد تكون أفضل من اللي قلت لك ممكن ترجع لها لكن أنا قلت لك اللي أعرفه......

أتمنى إني أفدتك................وشكرا...........