جاوبي بهذا الخصوص؟

[Brainiac]

هلا بك أخت "دياري نجد"....

في البداية ، الواحد يحمد ربه على كل حال ... وما تدرين يمكن انها تكون خيرة ..... وبنفس الوقت صدقيني فيه كثير من الاخوان والاخوات هنا تم قبولهم في الماجستير بعد سنين من المحاولات في جامعات كثيرة... وأنا أولهم.

بخصوص التقديم ، نظام التقديم الكتروني 100% .... تدخلين على نظام "قبول" الخاص بجامعة الملك عبدالعزيز .. وتدخلين كل البيانات المطلوبة ... وترفعين نسخ من وثيقة التخرج والسجل الاكاديمي وشهادات الدورات والخبرات .. الخ

أنا بصراحة مدري اذا كنتي جربتي اخر تقديم في جامعة الملك سعود ، لان الجامعتين يستخدمون نفس الطريقة.... وما راح تضطرين انك تراجعين الجامعة الا بعد القبول النهائي عشان تطابقين الوثائق ... وان شاء الله تكوني من المقبولين.

كل المقبولين جتهم مسجات على الجوال ، رسائل على الايميل الشخصي ، ملاحظة في الصفحة الخاصة بهم بنظام " قبول" تشير الى قبولهم... يعني فيه اكثر من طريقة.... وبرضو اللي ما انقبلوا في البداية ، يعرفوا ترتيبهم في قائمة الاحتياط ( عند انسحاب احد المقبولين).

بخصوص المنحة الملكية ، كانت موجودة اخر سنتين ..... وكل الدلائل تشير الى استمرارها ... ولكن ننتظر خطاب تأكيد من الجامعة .... علماً بأن جميع المقبولين السنة هذي ، قاموا بتوقيع "تعهد" بوجوب الدفع في حال تم الغاء المنحة.... والان باقي على بداية الدراسة اسبوعين تقريباً ، ولم يتم الطلب من المقبولين دفع أي رسوم خاصة بالماجستير الخاص.

بخصوص شرط الخبرة في الماجستير ، هو في الحقيقة مش شرط اجباري ... ولكن الافضلية تكون لذوي الخبرة ... وخصوصاً ان 20% من نسبة المفاضلة تكون على الدورات والخبرات .... يعني اللي خبرتهم اعلى ، راح ياخذوا نقاط اكثر في "الخبرات والدورات" ... ولكن فيه ناس تم قبولهم وعندهم خبرة بسيطة.... والسبب ان معدل البكالوريوس + درجة اختبار القدرات للجامعيين كانت مرتفعة... يعني تقدرين تقولين "شي يغطي على شي" :)


لو كنتي من سكان الرياض ، أنا اقترح انك تقدمين على البرامج اللي في جدة .. مش القصيم.. بحكم أن عدد الرحلات بين الرياض-جدة أكثر من الرياض- القصيم......... اما اذا كنتي من اهل القصيم او مناطق قريبة منها ، بطبيعة الحال القصيم راح تكون الخيار الافضل لك.

بالتوفيق لك ان شاء الله...ويا رب تكوني من المقبولين