لا تقــول البعـد والفرقــــآ حرآآآم ؟؟

[د.كيــف]

اللي مثلـك يـا حبيبـي مـا يـلام !
قوم وانسى الدمع .. وانساني معـه !!

لا تحاتي الليـل ! ودعنـي .. ونـااام
السهر مـا هـو بضيـق الا سعـه ؟؟

خلّنـي مابيـن كذبـك !! والـغـرام
بنثـره وآخـر طموحـي اجمعـه ..

بك ( ختمت المسك ) يا ( مسك الختام )
واحفظ ( اغلى ) بيت وانسى ( مطلعه )

( شاعرك ) لا شحّ صوتـه بالكـلام ؟
ناظـر عيونـه كلامـه تسمـعـه !!

ما ورى هـاك الطعـون الا الخصـام
وماورى وصلـك وقربـك منفعـه ..

عدّني مـا كنـت وانسانـي .. مـدام
الفراق اصبح : ( جهاتي الاربعـه ! )

خابرك حسّـاس وتخـاف الزحـام !
خـاف قلـب ٍ بـه همـوم مجمعـه !!

إعتـقـه لله !! واتـركـه بـســلام
ما بقى بـه عـرق تقـدر تقطعـه ؟!

ضامي واطرد سرابك ( نصف عـام )
حالتـي حالـه ! واجامـل واتبعـه ..

كل ما طـاح ( الامـل ) شلتـه وقـام
لين طحت ! ولا لقـى مـن يرفعـه ؟!

غلطتي كنـت انتظـر منـك اهتمـام
وغلطتك ( بُعدي ) ثمنها و ( ادفعـه )

لا تقـول البُعـد والفرقـا حــرام ؟؟
الحرام : اعطيك ( عمـر ) تضيّعـه !!

محمد بن جـآرالله السهلـــي ,,