ساعدوني بالنسبة للمقابلة الشخصية للمعيدات

[بنت جدة المنكوبة]

* المقابلة الشخصية وماأدراك ماالمقابلة؟؟
أول شي وأهم شي في المقابلة الشخصية أن تكون شخصيتك قوية ومتزنة غير مترددة في الإجابات مهما كان إجابتك خطأ
من أكتر الأسئلة الشائعة
حدثيني عن نفسك
إيش نقاط القوة لديك
إيش نقاط الضعف لديك ؟هنا إذا سالتك دا السؤال مثلا ماتقولي أنا عندي نقطة ضعف لا لازم تبيني إنو نقطة الضعف هادي إنو تقومي بإستمرار لتحسينها مثلا عندك لغتك الإنجليزية ضعيفة بس إنتي لازم تقوليلهم أنا بأطور نفسي فيها بدخول المعاهدوقراءة الكتب.
يسألولك ليش إنتي تبغي تسيري معيدة؟؟
قولي مثلا إنو يتناسب مع القسم إلي تخرجت منو فعلشان كدا ابغى معيدة وعلشان أتطور في المجال إلي درست فيه
يسألوك كيف تطوري في القسم لو سرت معيدة؟
وإيش أنشطة ممكن تسويها للقسم؟
ممكن يعطوكي موقف معين وكيف تقدري تحليه؟؟
ممكن يسألوك كم كلمة في الإنجليزي في مجال تخصصك؟
ممكن يسألوك هل ناوية تكملي دراسة وليش وهل تفضلين الدراسة أو الشغل؟
وإذا كانت الدراسة تقضي ترك الشغل أيهم تفضلين؟وليش؟
ممكن يعطوكي كتاب تقرأيه ؟ويسألوك منو؟ركزي في القراءة حتى في التواريخ ممكن يسألوك فيها؟
ممكن يسألوك عن الملوك؟إيش آخر زيارة قام بها الملك؟إيش إسم رئيس فرنسا وكدا؟؟؟
إذا كنت ماتعرف الإجابة قوليهم لاأعرف الإجابة