السليــــــــــــــــــــــــــــق .. وخر عن طريقه

[ستأتي أيامي]

السلام عليكم ورحمه الله وبركاته ..
..

كيف الحال والأحوال ؟؟


السليق لو شعبية مرررررررره كبيرة خصوصا عند الأطفال ..
عندهم السليق أهم من الدنيا وما فيها ..
لدرجة لمو أحيانا تقول .. ماما أنا مره أحبك .. تعرفي ليش ؟؟ عشان تسويلنا سليق ..
يعني شي غريب..
كمان الرز بالعدس يمكن عشان مايبغالو مضغ ههههههه
على طول زحلقن إلى البطن ههههههههههههههههههههههه

طيب نجي للمقادير ..
لحمة .. أو دجاج .. كلو يجي بس أنا أحبوا باللحمة ..
رز الشعلان .. منقوع طبعا ..
هو يتسوا بالرز المصري أو نص من الشعلان ونص من المصري بس زوجي مايحب إلا الشعلان ..>> في كل شي يتدخلوا
10 حبات هيل ..
حبتين مستكة .. تطير لك أبو الريحة حقت اللحمة .. لا تكثروا عشان لو كثرت تخلي الرز مر حبتين بس
ملح ..
قشطة .. 3 ملاعق ..
حليب بودرة ملعقتين محلول في فنجان موية ..يعني تخلوا مره ثقيل ..
سمن قودي أو زبدة

الطريقة ..
تسلق اللحمة مع الملح و 5 حبات هيل لمدة ساعتين إلا ربع والمستكة .. لأنو السليق حلو يكون كل شي في مستوي مرررره ولين
وكمان لازم نكثر المرقة حقت اللحمه عشان الرز يطول على بال يتهري .. لكن لو رز مصري مايحتاج نكثر الموية ..
نخرج اللحمة ونحطها في الفرن حتى تتحمر وتقسى من برا رشوا عليها شويا ملح ..
في ناس يحبوا يسووا كشنة مع اللحمة ويحطوها على الوجه .. كل واحد على مزاجو
بعدين ..
نحط الرز ونخلي يطبخ على نار هااااااااااااااااااااااااااااااااااادية جدا جدا ولا ننسى الموية نكثرها .. يعني الطريقة اللي تعلمناها في الرز الكابلي ما تنفع هنا ..
وكل ما نحس انو الموية قلت نزيدها وهكذا إلين تشوفي الرز خلااااااااص صار مرررره لين .. وانتبهي لا يتحرق من تحت ..
لما يستوي خلاص ..
حطي الحليب والقشطة .. ولو كان رز مصري اختاري يا حليب يا قشطة ..
وقلبيهم شويا ..
طفي النار خلاص ..
وحطي ملعقتين السمن تدي لمعة ونكهة .. ولو ما تحبي السمن حطي زبدة..
وأغرفو وهو حااااااااااااااار



شي مررررررره خيال كأنك في الجنة ههههههه

طريقة الأكل ..
لاااااازم ملعقة .. ما ينفع باليد مررررره حتصير لغوصيشن هههههههههه

وبالعاااااااااافية ..


وسلااااااااااامتكم ..