الدراسه بالصيف

[Messi]

طيب لو واحد جايب في كل المواد a+ و a لكنه مثلا راسب في مادة وحده لظروف
او مثلا مادة صعبة عليه .. يعني واحد مثلا رسب في الرياضيات او الفيزياء او اي مادة ثانية لأنها صعبة أو مو فاهما .. او صارت له ظروف ..
معدله راح يكون فوق 4.40 ... ما تعتقدون ان واحد مثله يستحق فرصة ؟؟

المشكلة اغلبكم مفكر انه اكثر اللي ماخذين صيفي معدلهم تحت الـ 3.00 او شئ زي كذا ..
صدقوني يا كثر اللي درجاتهم زي الفل في كل المواد ما عدا مادة رسب فيها لسبب ما ..
بس اللي انتم قلتوه عن التسكين وكذا ..
الصراحة انتم حطمتوا ناس كثير وما خليتوا لهم سبب يخليهم يشدون حيلهم بالصيفي ..
يعني عقب ما قلتوا ان التسكين حق الكليات الزينة بعد اسبوعين من الفاينل ..
ناس كثير الحين يفكر انه ما ياخذ صيفي او انه ما صار له هدف من انه يشد حيله بالصيفي ..
انتم كذا حطمتوا معنوياتهم ..

طيب بالله عليكم ايهم اهون على بالكم :
1-انكم تذكرون الواحد وتقولون له ان ما لك امل تدخل طب او هندسة لانك ماخذ صيفي ولان التسكين بعد اسبوعين من الفاينل وتحطمون معنوياتهم أوعشان ما ينصدم اذا عرف انه ما دخل كليات زينه بعد الصيفي...
كذا ما راح يشد حيله بالصيفي وراح يرضى باي درجه تنجحه...


2- ولا انكم تقولون ان التسكين راح يكون بعد الصيفي لكل الكليات عشان يشد حيله ويجيب درجه زينه بالمادة اللي رسب فيها.. على الأقل راح يعتقد انه فيه امل كبير انه يدخل الكلية اللي يبغاها ..
وحتى لو ما دخل الكلية اللي يبغاها . على الأقل معدله ارتفع اكثر وممكن ينقل لم جامعة غير ؟؟

اكيد الثانية اهون عليه بكثير ..
بس وش الفايدة الحين .. حطمتوا معوياتهم والأغلبية يعرف انه مافيه امل كبير انه يدخل الكلية اللي يبغاها

يا اخوان فكروا بـ الاجابيات والسلبيات اللي ممكن تنتج عن اللي تقولونه ..
بسكم كلام عن ذا الموضوع .. وخلوا الناس يشدون حيلهم بالصيفي ..
بلا تحطيم معنويات ..

بالتوفيق للكل