استفسار عن التزكيه العلميه!!!!

[دموع الفرح :)]

السلام عليكم ورحمة الله
شوفي يا عسل جود وربي يجود بالقبول <<<<اسمك مرررررررررررره عاجبني
ما ابغا احطمك ولا اهبط معنوياتك لكن بقولك الي صار معاي
والله اني تعبت وتبهذلت ودخت السبع دوخات عشان التزكيات وعذبت زوجي معاي نازلين طالعيت 400 كيلو عشان التزكيات والسنة الي فاتت ضااااااااااااقت بي الأرض والوقت وما قدرت اجيبها من عقد الجامعة , لأنو ما كنت اعرف المعلومة الي قالها الأستاذ عماد , المفروض قبل ما نتخرج نجيب التزكيات عشان ما نورط لما يسافرو الدكاترة , والله انو رئيسة القسم طالبتني بالسجل الأكاديمي الأصلي عشان تتأكد انو كل دكتورة درستي هي الي اخذت منها التزكية مو احد تاني لكن الحمد لله والله ثم والله جود وكرم ربك هو الي سهلها السنة ذي , يوم ضقت مره حطيت مادة لدكتورة قد درستني بمادة ثانية وحطيت الورقة عند السكرتيرة وجلست ادعي يــــــــــــــــــارب ما تسأل وتوقع وربك اكرمني الف حمد وشكر لك يارب وقعو وعمى الله اعينهم الف حمد وشكر , عشان كذا روحي الجامعة وادعي الله وبالتساهيل لو الدكتورة متعاونه حتمشي المسألة
ما انصحك الا بالدعاء والتوكل على الله
هذا انا سنتين عشان اجيب تزكية