(قرارنا بيدنا) القرار النهائي للطالبات بخصوص العبايه اتفاق واحد وعبايه وحده

[sosoana121]

سلبيات القرار:
1- الـجامعه على كثر المستخدمات الي فيها وسخه وسخه وسخه يعني ماسلمت العباية من التراب واللبان ملابسنا شنو بيصير فيها .؟!..

2- العبايات وين نحطها اذا الشنطة مسكينه مايتقفل سحابها من الكتب ؟.!! يعني بتكثر حالات ضياع وسرقة العبايات .

3- ظهور فروق بين البنات وبعدين البنات رح ينقسموا لادمان على اللبس والتكشخ << وبكيفهم , وبنات يتفرجوا ويتحسروا , وبنات ولا همهم <<وهم قليل .

4- الـ 8آالاف وال 4 مية ريال مكافأتنا السخية.!.. يادوبك على كتب وفواتير ومصروف فطور , هذا عدا عن الي بيدفعون للباص, وبيكون عندهم مسؤوليات تجاه اسرتهم .

5- راح يكثر عدد الطالبات الي راح يحاسبوا امام المجلس التأديبي وتنسحب بطاقاتهم , وكله من مخالفات مو شنيعه لهذي الدرجة,
وراح يتساون مع من يستحقون وبجدارة المحاسبة مثل الي تغش او تصور او يكون لها سلوكيات مغلوطة,وبناء عليه ماراح يكون هناك اي مساواة ابدا .

6- اغلبنا اذا مو كلنا من دخولنا للجامعه بشرة وجهنا وايادينا انعدمت والي سار فيها تصبغات والي سارت جافه وما ينفع معها لا واقي ولا علاج مع الدوام , اذا نزلنا العباية راح تمتد مشاكل الجلدية لليدين كامله والساق و كل منطقه حسب اللبس .

7- المناعه وماادراك ما المناعه , مبانينا برررد قاارس وبرا حر شديد وشمس قوية وكل هذا وجامعتنا مو مظلله ويادوبك فيها شجيرات .

8- بيحد من حريتنا , وقرار مثل هذا اتوقع كان المفروض يطرح للتصويت او للمناقشة .

9- الاحساس بظلم الجامعه وعدم موضوعيتها , فهي لم تلتفت للظواهر المريبة والشاذة من قبل بعض البنات الله يهديهم, واهتمت بحظر امر ليس مُجَّرم ولا احد يشذبه او يستنكره بعكس الشذوذ وظاهرة الايمو والهيبيز .

10- تدرون شنو الكراسي الي بجامعتنا ؟.
اما صبات بشكل غريب وتضايق مره لمن نجلس عليها وتعدم قماش العباية فما بالك بالاقمشة الثانية ,
و أما كراسي محاضرات اكل عليها الدهر والشرب و قطط الجامعه بعد وشكلها مزري جدا جدا .

اظن لو بنتكلم من الحين لبكره ماراح نخلص سلبيات هالقرار التعسفي بالدرجة الاولى .
وتعسفي لأننا يا مسؤولي جامعتنا العزيزة عمليات بالدرجة الاولى , و الدراسه عند اغلبنا هي كل اهتمامها يعني بالبيت تذاكر وبالسيارة تذاكر وتنام وهي تذاكر واذا خرجت فأغلب خرجاتها اما لمكتبه او لشي يخدم دراستها , وانتم جايين بها القرار تشغلونا الله لا يشغلنا الا بطاعته في السووق واللبس لاننا وبكل بساطه جنس يعشق الاناقة حتى لو بسيطة .