مييين اللي يؤيد بأن يكون هناك سنة تحضيرية؟

[دافئ الإحساس]

المشاركة الأصلية كتبت بواسطة bint aboha السلام عليكم ورحمه الله وبركاته أنا أؤيد روريتا صح المفروض يكون إنجليزي مكثف لمده 6 شهور للأنه لمن الجامعه قبلتني إنتساب مالت ع رحت ل6 كليات كلها قبلتني وكانت دراستهم تعتمد ع تكثيف الإنجليزي عندي وقالولي نفس الكلام 6 شهور وبعدها المواد الثانيه كذا حلو ومرتب ياليت جامعتنا الحلوه سوت زي كذا كان تجنبوا الرسوب والمشاكل بس لنا الله مشكور ع طرحك لمثل هذا الموضوع تقبل مروري ودعواتكم ليا بالطب

هلا والله ببنت ابوهاا

من امس استناكي

شوفي هرجتك انت وروريتا

مافيه غلط نوعا ما بسسس

هادي سنة تحضيييييييييييرية

اش يعني يعني

انوا الدراسه فيها مبنية على الثانويه فقط لا اكثر ولا اقل

وانا سمعت من الاعضاء

انو والله فيه زيادة , ولا انوا في اشياء ما اخدناها

يعني وفي غيرو كلام

اللي بدي اوصلوا لكم

ترااه الفكرة %100 وبعدين فكرة التطبيق

مافيها شئ بس الواحد لمن يخبص في الترم او في اغلب المواد

يحاول يطلعلوا كم عذر قدام الناس يعني بدال

مايقولوا انت راسب اش هادا ليه كدا

يروح اش يقولوا والله الدراسه صعبة وما ييعرفوا يحطوا منهج

هادا الكلام كلللللوا غلط وهادا مو عذر


انا معاكم يااحبتي انوا في غلط في وضع الاسئلة


وفي بعض الدكاتره ما يعرفوا يوصلوا المعلومة صح


اذا كان من دي الناحية فمعقولة


لانو دحينة فتحوا مدارس المطورة


اذا سمعتوا عنها فهيييا تتعامل معاملة الساعات وفيها حذف واضافه


وبالنت كمان وانا من المتخرجين فيها


اش لقيت كلام تعالوا قولولي


اللي لقيتو انو في سحب من المدرسة بشكل كبييييييير


لانو الكتب جدا كبييييرة مو زي بيبي كتاب اللي في الثانويه


العادية

(اللي بينكرفوا في الاختبارت)


بعكس المطورة كلي شئ بنظام وحتى العضوية


كتاب كامل لو خاص بييه تقريبا 200 صفحة


ونسميه كيمياء3 يعني المستوى الاخير


هادي اللي يتخرج من الطورة ما راح يتعب كتير


لانو كل اللي في السنة التحضيرية من الثانويه


مافي ولا فتفوته برره وانا بالنسبة لييا اشوف التحضيري

قله حييا كلللوا سهل وبااااايخ

وما يحتاجلوا ابدا بس هييا المشكلة في وضع الاسئلة

لانها فعلا اسئلة خنفشارية

مدري كيف يحطوهاا


واللي حبيت اوصلوا انو لا تقولوا التحضيري

مالوا داعي لانو وهادا اهم شئ فيلوا العدل

اش قصدي قصدي العدل بين الطلاب والطالبات


صحيح انوا ما في وزارة بس مدرسين عييال كلب

وممكن يقولوا امسك دي وراجعها ويجيلوا الاختبار

بشكل تاني

ومو كل المدارس اسئلتها زي بعض

لكن قولوا القدرات اللي مال أمو داعي

هادا ممكن نحذفوا بالمرررره لكن كدخول للجامعه

اللي المفرروض يسير فقط نسبة الثانوية مع التحصيلي

والمفرووض يكون في اختبار ثالث لا يجي في بالكم

القدرات هادا لا لا لا لا لا

التالت اللي هوا اختبار انجليزي للكل زي التحصيلي

تقريبا

وهادا اهوا تلاته نسب ,ثانوية,تحصيلي,انجليزي

ويقدموا مو على التخصصات زما تقولوا نو

يقدموا على السنة التحضيرية.

وهادا اللي بيسير في اي جامعه بالنسبة

للي يقدموا للتخصصات هادا غلط لانو الظلم كتير

فيه وبإختصار.

توضيح الظلم:

الظلم يأحبتي يكون في اللي جابوا نسبة في الثانوية

وضرتوا مبسوط شايله على قلبوا ويجي التاني برضوا معاه الثانويه

طيب انت ياحبيبي من جيت من ثانويه اهلية

والتاني جا من ثانويه حكومية وهادا اول فرق.

طيب نجي من ناحية تانيه


انت ياحبيبي جيت من ثانويه التراكمي فيها

من السنة التانية (طبعا السنة الاولى هييا اصعب سنة في

الثانويه) والثاني جا من الثانويه والتراكمي


بدأ معاك من السنة الاولى اهاااا هناا التعليق


والنقاش هنا (هووا اصلا كلوا كلامي مهم اوك)


فييين العدل اللي بتقولوا عليه طبعا الاخ الكريم

اول سنة مدامت انها صعبه فخبصها اكيد
وزي ما تعرفوا انوا المعدل التراكمي لازم من اول مررة يطون قوي مرة فأكيد المعدل نزل نزله بنت حرام صح

واذا حتى شد حيلوا صعب يطلعوا للنسبة اللي يبغاها وهادا تاني فرق.

وهادا اللي اقدر اقولوا في نهايه

الموضوع

لانو فعلا هادا اللي حاصل .

بالنسبة للظلم:


الظلم ياحبايبي مو في المواد انها بالانجليزي


ولا بالفرنسي حتى الظلم هوا بس في

حاجتين وهيييا:


اولا: في الدكاتره اللي بيدرسوا الطلاب او حتى الطالبات


اش نوعيه هادا اللي بيدرس :أمين, مخلص, يقدم مسؤوليتوا

بأكمل وجه, مبزوط(اذا ما عرفتوا معناها مو لازم اوك),

خايف على طلابوا, يعطي جميع المعلومات, يحل جميع الاسئلة, يعطي مسائل لطلابوا, يخرج من القاعه والكل فاهم, في خلل في المعلومات اللي بنستقبلها من الدكتور,........... .

تانيا: وضع الاسئلة.


بنشوف ياحبايبي كييف وضع الاسئلة بعيوننا

وضعها جدا سيئ ومخيف كمان لانو نحنا في مرحله


مبكرة على اسئلة معقدة جدا فااا حتى لمن يجي الطالب مذاكر

وواثق من نفسوا يشوفلوا كم سؤال ويلاقيها ما تنحل

لانها اصلا فعلا ما تنحل

اهاااا هناا الربكة اللي بأتكلم فيها اسئلة ما تنحل

ولساعها سنة اول جامعه صحيح زي ما قولتلكم انها سهلة


بس اذا كانت اسئلة معقدة بشكل كبييييرفهنا الغلط الكبير


اللي لازم ياهم ينتبهولوا او نحنا نقلهم عليه ازا في امكانيه

لانو بدي الحالة اذا كممملوا بدي الطريقة في وضع الاسئلة

فهادا الشئ رااح خيييط للطلاب بأن يقولوا

السنة التحضيرية صعبه مرررره وخلاص انا بدي اسحب

وهاادا كلوا لييه بوضعهم السئ للاسئلة.

ومع انو المنهج ما يبغالوا دااكا الشئ ولا داكاا

التعب كلوا اجتهاد بسيط ومذاكره اول بأول

وانتهينا لكن كلوا يرجعلهم .
.......................................

ويلا ياحبايبي

شكلي طوللت مررة معاكم

بس حبيت اوضح للكل الصح من الغلط

ونشوفكم على خيير

وفي مواضيع

أحلى واحلى

ودمتم