أرجو من الجميع الدخول

[bint aboha]

السلام عليكم ورحمه الله وبركاته


بصراحه ماأدري إيش أقول بس والله تعبت من كثر التفكير وقله النوم والأكل ماأحس بطعمه

أنا طلبت مساعده ف ترجمه التست بانك للأحياء بس ماحد راضي يساعدني لذلك حابه أنوه

إن هذا الشي مو بس ليا لا والله الموضوع للجميع وعشان الكل يستفيد والمشكله إن مشاهدين

الصفحه بتاع الترجمه 300 مشاهد تصدقون 300 مشاهد يعني الكل محتاج هذه الترجمه

وكمان الموضوع اللي كتبته لمن يهمه الأمر 63 مشاهد ولا أحد ساعدني ما أقول إلا الله

يعيني أنا ماأبغا أطفشكم بكلامي وكل بعد شويه أتشحد الأعضاء عشان يساعدوني أنا هذه

الأيام مررررررره مشغوله عندي شرح لخالتي الله يسعدها راح أشرحلها الرياضيات

وأفهمها الأنجليزي وهيا ثالث متوسط وبنت خالي عندها كمان رياضيات هيا إنتساب ف الجامعه

ومسارها نظري يعني لو تكرمتوا أحد كذا يساعدني أو زي ماقريت إن ف ترجمه للأحياء

بس أنا ماعندي أحد يروح للمكتبه وكمان شوفت عينكم المطر إيش سوا ف جده يعني حاله

مستعصيه لذا من لديه ترجمه التست بانك الله يسعده يضمها لموضوعي عن ترجمه التست

بانك وكل عام وإنتم بخير والله العيد ماني حاسه بفرحته حتى أقول لأهلي ماأبغا أعيد أكره

العيد نفسي أنام وأنا مرتاحه ولا أزيدكم من الشعر بيت لسه دروس الكيمياء ماطبعتها ولا

ترجمتها يعني حاله لايعلمها غير اللي خلقني وأنا مو موجوده ف البيت والكتب ف البيت

بس الحمد لله اللاب معايا والدروس ف اللاب وبس أنا شغاله ع الكونكت حق خالي ومستحيه

منه لذا أتمنى المساعده والله كثير ع الله يوفقكم