ركزوا.. في شابتر 2 في الاحصاء..للملخبطين..

[ابو رابح]

معليييييييييييييييش لخبطة في كتابة العنوان هوا شابتر 3 مو توووووووو تو للأسف اذا لقيته مايغلى عليكم بس عشان ماهو عندي..

اخواتي شابتر 3 اهم شي فيه::
تعرفوا اسماء المقاييس واش تتضمن وقوانين ماتتضمنه بمعنى::
عندنا او نوع من المقاييس::
Measure tendency ولها اسم ثانيmeasure of average
ومعنا المقياس السابق مقاييس لمتوسط وتتظمن اربعه عناصر مهمه::
Meanوقوانينه وهي ثلاث قوانين مهمه::
1- اول قانون للسامبلSample في الكتاب صفحة::106::وهو عباره عن Xوفوقه شرطه..
2- ثاني قانون للمجتمعpopulationفي الكتاب صفحة::106 ايضا القانونين تحت بعض::وهو علامةmولكن مذيله وتنطق ميو...
وثالث قانون وهو مهم ولاكن ماهو مكتوب بشكل اساسي في الكتاب في صفحة 108
في اعلى الصفحة مكتوب step3وبعدينstep4,step5بعد ستيب فايف مكتوب قانون لحساب Meanاذا كان في شكل جدول وطريقته نضرب الفكونسيfفي الميدبوينتXmوبعدين نأخذ مجموع الميدبوينت ونقسمه على مجموع الفركونسي ....يمكن كلامي مو واضح لكن اللي بتراجع الكتاب بتفهم على طول...
_____________________________
ثاني عنصر في مقاييس المتوسط::
Medianوطريقة حسابه سهله ترتب البيانات المعطاه من الاصغر للأكبر والقيمه اللي في النص هي medianاو مايسمى بالوسيط...هذا الكلام اذا جاكم عدد البيانات فردي لاكن اذا جا زوجي راح يكون عندنا عددين في النص بعد مانترب اش راح نسوي نأخذ العددين ونجمعهم ونقسمهم على 2 راح يعطينا الميدبوينت راح يتوضح الكلام هذا لما تراجعوا صفحة110 مثالExample3-5اذا كان البيانات عددها فردي ومثالexample3-6اذا كان البيانات عددها زوجي...
_____________________________
ثالث عنصر في مقاييس المتوسط::
Mode::
وهو ماله قانون محدد وهو المتغير اللي احبه انا بصراحه ::
معناه اكبر عدد تكرر في البيانات..
مثلا عندي بيانات وهي::
2,4,2,2,2,5,3
العدد اللي تكرر اكثر شي وهو واضح العدد 2 وهذا هو المود ويسمى في حالة عدد واحد هو اللي تكرر اكثر من مره فقط عدد واحد اللي تكرر unimodal..صفحة 111
اما اذا كان عندي عددين مكررين اكثر من مره مثلا::
2-2-2-4-3-4-4-5
الاعداد اللي مكرره اكثر من مره هي 4,2 في هذا الحاله المود هوا(2،4) ويسمى في هذه الحالهbimodalوالباي في اللغه الاتينيه تعني اثنين للمعلوميه فقط....
اما اذا كان عندي اكثر من عددين مكررين اكثر من مره يعني كان كذا مود فهاذي الحاله تسمىmultimodal والملتي معناها متعدد ....
اما في حالة اذا اعطانا البيانات على شكل جدول ويبغى المود فننظر للفركونسي واكبر عدد فيه هو المود...ارجو مراجعة صفحة 112 مثال3-12 اسفل الصفحة ومراجعة صفحة 111 وقراءة المود...
__________________________
رابع عنصر في مقاييس المتوسط هو
midrangeاو ماسمى بنصف المدى لاتلخبطو عندنا المدى ونصف المدى نصف المدى طريقة حسابه نأخذ اكبرقيمة - اصغر قيمة(-)=يعني نطرح....وهذا اتفه عنصر في measure of average...مراجعة صفحة114 للتوسع.....
_________________________
ارجو مراجعة صفحة 115 مايسمى بالweighted mean
لأني صراحه ما ذاكرته بس في الاختبار في صفحة القوانين جابوه لنا يعني يمكن يجيكم مسأله ولا شي منه
__________________________
________________
أهم ماورد في صفحة 117 واللي هي distribution shapes
عندنا ثلاث انواع للرسوم البيانيه من حيث الفرق بين mean median mode
في الكتاب كلام كثير بلخص اهمه ::
positvely skewwd or right skewed
معناه بالعربي موجب الالتواء او الملتوي الى اليمين اذا شفتوا كلمة positively skewed واللي تعني موجب الالتواء على طول راح يقصد الرسمه اللي في زياده الى جهة اليسار راجعوا صفحة 117 اول رسمه فوق هذي اللي قصدي عليها في الحاله هاذي راح يكون mode اكبر من median وال median اكبر من mean...
بمعنى اخر او بطريقة اخرى mode<median<mean
_____________________________________
النوع الثاني اذا جا مكتوبnegatively skewed or left skewed
ومعناه سالب الالتواء او الملتوي الى اليسار وهذا عكس الأول يعني راح التكون الزياده الى جهة اليمين وفي الحاله هاذي راح يكون
mean<median<mode
_____________________________________
النوع الثالث summetric distribution
ومعناه التوزيع المتماثل يعني المود راح يكون mode=median=meanكلها متساويه راجعوا الرسمه اللي في اليسار في صفحة 117....
___________________________________
_______________
نجي لثاني شي من انواع المقاييس وهو مايسمىmeasure of variation or measure of dispersionومعناها مقاييس التباين او التشتت...
وتضم احلى 3 عناصر نمسكهم واحد واحد اولهم::
Rangeاو مايسمى المدى فاكرين قبل شوي الميد رانجmidrangeكان قانونه نجمع اكبر قيمة ناقص اصغر قيمة على 2
لاكن هنا مايبغى نصف المدى يبغى المدى كله يعني اكبر قيمة ناقص اصغر قيمة من دون مانقسم على 2 ارجوا مراجعة مثال 3-20 صفحة 125 لتوضيح كلامي.....
_________________________________________
وللأهمية اللي يستخدموا الآلة الحاسبة السودا مو الرصاصية اذا جيتوا تنفذوا عملية حسابية اضمنلكم تنفذوها خطوه خطوه يعني مثلا نصف المدى نحسبه اول شي اعلى قيمة ناقص اقل قيمة ونطلع الناتج وبعدين نقسم على 2 او اللي خبير فيها يستخدم الأقواس للتسهيل فيها لأنه اذا على طول كتبتوا اكبر قيمة ناقص اقل قيمة قسمة 2 راح اول شي يحب اقل قيمة قسمة 2 وبعدين يطرح يعني راح يطلع ناتج غلط لأن الأولوية في العملياات الحسابيه::
1- الأسس والأقواس
2- القسمة والضرب
3- الجمع والصطرح...للفائدة...
___________________________________
خرجنا عن الموضوع نرجع للمقايس التشتت او التباين ثاني عنصر فيها وثالث عنصر راح يكونوا مدموجين في بعض لأنهم مرتبطين ببعض يعني عندنا راح يكون variance و standard deviatin والفيريانس له قانونين واحد للمجتمع والثاني للعينه في صفحة 127 مكتوب قانون المجتمع تحت تعريف الفيريانس في المربع الاخضر او المستطيل بالأصح طيب احنا ليه قلنا ان الستاندارد ديفيشن والفيريانس مرتبطين لأن زي ماهو موضح في المربع قانون الستاندارد ديفيشن اش هو هوا::جذر ناتج الفيريانس ارجوا مراجعة صفحة 127 عشان تفهموا كلامي....
وارجوا مراجعة مثال 3-22 اسفل الصفحه...
_______
ثاني شي قانون الفيريانس للعينه::
هوا طويل شوي ومكتوب في صفحة 129 في المربع البني وراح طبعا يكون بالتربيع طيب اللي فاهم معايه وماشي كويس يقولي ناتج قانون الستاندراد ديفيشن للعينه اش هوا...
هوا جذر ناتج الفيريانس للعينه.....ارجوا مراجعة مثال 3-24 صفحة 130 هوا طويل شوي بس مررررررره مفيييييييد وسهل....
_________________________________
طيب اش رايكم اخذ بريك لأن اصابيعي تعبت شوي بروح اترجم الاحياء وارجع اكمل .....
بالتوفيييييييييييق راح يبقالنا اشياء سهله
____________________معليش اذا فيه اخطاء املائية__________

_____تحياتي ابو رابح____