Break

[Dr~NanoOok]

المشاركة الأصلية كتبت بواسطة سُكر محروق حلو مرة بس فين الاماكن الي تروحها او تستكشفوها في الجامعة..؟ < لقافة؟ lol

يااااه كتير "^^
عندنا المشرحة حقت الجثث
كنا بسنة أولى ما ندخل المشرحة , من سنة ثانية نبدأ الدراسة فيها
لكننا كلنا نروح نستكشفها ومرررره حماس كانت

رحنا القبو اللي تحت الأرض
المكان اللي يجونا منه الدكاترة الرجال
واكتشفنا انه في نفق مظلم طوييييل تحت
يدخلوا الدكاترة بسيارتهم فيها

ساحات الجامعة والحدائق حقتها
في ورا مبنى المكتبة جلسات من الرخام بين الشجر
<< مكان روومنسي :p

المعامل أكتر شي يحمس بالكلية حقتنا

غير الصالة الرياضية "الجيم"
نروح نلعب كرة سلة وتنس الريشة و في طاولات بلياردو وفرفيرا
وغرفة للأجهزة الرياضية , سير و حديد وحقت الملاكمة

والسكيتنق و الدراجات << بس خسارة الدراجات هذه السنة شالوها
كنا ندور بيها ساحات الجامعة كلها "^^

غير معامل الكمبيوتر وندخل بيها نت زي ما نبغى
والمكتبة نقرأ ونذاكر فيها
وفي أماكن اسمها "الخلوة الدراسية" "^^
أماكنن مخصصة للمذاكرة وحلوة وهادئة

هذا كله في كلية الطب
ما أدري إذا عندكم مثلها , لكن سمعت عندكم الخيمة الرياضية
أكيد فيها حاجات مره حلوة
والمكتبة المركزية حقتكم أكبر و متنوعة أكتر من حقتنا
عندنا أغلبة كتب انجلش وطبية
القسم العربي مره صغير وأشياءه قديمة