ملتقى طلاب إدارة الأعمال (المجاني)

[م.عمر]

ماستر تنفيذي 48 ساعه تتضمن بحث بسيط من 3 ساعات (مادة وحده) وكل المواد اجبارية ماعدا واحده اختيارية
ولا يوجد بالرساله فقط بالبحث
الدراسه كلها اربعاء خميس جمعه لاتتعارض مع الدوام
----------------
الماستر المجاني يوجد بالرسالة وطبعا توجد مواد دراسية نفس المواد للماستر اللي بالبحث لكن المواد اقل
لكن الفرق في المواد راح تعوضه بطول الرسالة لانه اقل شي الرساله 6 شهور هذا لو كنت متفرغ وممكن يطول الى سنتين فقط للرساله غير المواد (يعني ممكن تاخذ الماستر في 5 سنوات تخيل سنه للتكميلي وسنتين للمواد وسنتين تخلص البحث)
والماستر بالبحث اسهل لانه الرسالة حوسه ويبغالها قراءه كثيرة وفيها مناقشه وكل مناقشة يبغالها مجلس قسم ومجلس كلية و و و لكن ميزتها انك تسويها وانت في البيت
عدد الساعات 36 ساعه منها 9 للرساله والباقي مواد
---------------
الماستر بالبحث 48 ساعه منها 3 مواد اختيارية تختار مسار معين اذا حبيت مثلا تركز على المالية او الموارد البشرية او ادارة نظم ويوجد بحث مختصر من 3 ساعات
طبعا التفصيل اكثر والله ماسالت عنه لكن ان شاء الله بجلس مع دكتور سعود استفسر منه اكثر عن الوضع اللي يناسبني علما بانهم سجلوني ماستر مع بحث
ايوا صح نسيت اقول
الرساله ممكن تاخذ توصية لو كانت ممتازه انك تكمل بيها الدكتوراه (يعني تطورها وتصير ادق وتتكلم عن موضوع مخصص) لكن البحث ماتقدر تكمل بيه دكتوراه
وهذا لا يعني انه مافي دكتوراه لكن تبدأ من جديد برسالة اخرى
انا افكر بالرساله لانه المواد كلها تتعارض مع دوامي الرسمي وصعب اخذ 3 مواد في الترم يعني حتأخر كثير لو اخذت مادتين في الترم وغير اني طفشت وتعبت بصراحه اداوم من مكة لجدة ثم اروح الجامعه في الحر وارجع البيت احل واجبات