شوفوا الحالة اللي بطبق عليها حالة غريييييبة؟؟؟؟؟

[ياربي رحمتك]

انا في وررررطة كبيييرة انا رحت المدرسة وطبقت الاختبارات باقي دراسة حالة في البداية اول ماجيت وقلت لهم اني ممتدربة طالبة علم نفس فرحوووووا كثير المعلمات قالوا تعالي عندنا حالة غريبة ادرسيها وووي وانا مااعرف وماني فاهمه دراسة الحاله ساعدوووووووني الله يحرم وجوهكم عن النار وهما ذحين أملهم فيه بعد الله
بشرح لكم الحالة يقولوا انها عدوانية وتضرب البنات بشراسة واحيانا يحصلوها تبكي ومره لقيوها تطلع على الحوش وتبغى ترمي نفسها تقول عشان اقتل نفسي ومره حصلوها مكتفه نفسها في حوش المدرسة وماقدروا يفكوا الحبل الا بسكين وتخرب الورود حقت المدرسة ومع هذا كله ممتازة يقولوا ومبدعه ورسامه رسمها مره حلوه ونظيفه ومرتبه وانا شفتها صحيح ماشاء الله مرتبة ونظيفه وشكلها حلو فذحين مااعرف ايش ممكن يكون سبب حالتها وكيف ابدأ معاها بتطبيق الاختبار واذا كانت غير متجاوبة ايش اسوي في هذي الحالة لانهم خايفين ماتتجاوب معاية وكمان بعض الاسئلة في دراسة الحالة مااعرف كيف اعرف اجابتها زي
متى بدأت المشكلة
وهل الشكوى جديدة أم أنها عوده لشيء حدث لها من قبل
ومدى تعامل أفراد الاسره مع الحالة (ممكن ارجع لملفها )
مواطن القوة والضعف لدى الحالة
والبنت هي سنه اول متوسط
وكمان دراسة الحالة اكلينيكية اشوف الاسئلة للناس كبار يعني ربي يسعدكم ابغاكم تشرحوا لي ايش اسوي وكيف اطبق الاختبار بالتفصيل ماأبغى اتفشل