باصات نقل الطالبات شركة [ الخالد ] ..

[RHF]

اااخ يا طالب

انا مش مع الخالد ، انا مع المطرف ، عمومن كلهم اخس والعن من بعض

بس زي ما قالو للضرورة احكام ، ولا ايام السواق كنت مرتاحة جدا :(

بس ايش اسوي ؟ بابا مو عايش معانا ، واخوية لسا في المدرسة يدوب يلحق يودي ماما وهو يروح ،

وكل السواقين قالو يوصلو ب 1200 و 1500 ، بس على مشوار الجامعة ؟؟ وصاحباتي ما ينفع اروح معاهم ، وما ابا اروح مع بنت لا اعرفها ولا تعرفني عشان يقل راتب السواق ( لانو حيسير نص بالنص )

عمومن وبسبب ( ما ذكر اعلاه ) انا الآن اروح مع باصات المطرف ،

والصراحة معاناة ما بعدها معاناة .

من ناحية البنات للاسف البعض فيهم همجية غريبة , ( معليش عاللفظ بس دي الحقيقة المرة )

وطبعن السواقين رعب آخر ، السسسسسسسسسسسسسسسسرعة ( بس الصراحة محترمين )

واحسهم ينبسطو لمن ياكلو مطبات والله ، وطرااااخ فوق تحت ، بس انا الحمدولله سار عندي تبلد ،

يوم ضهري مدري ايش سرلو ، يوم وجهي خبط في القزاز ، يوم كنا حنصدم ،

عمومن انا سرت لمن اركب الباص اعتبر اني في الشلال ولا جنقل لاند ولا عطالله ،

ان لم تستطع ان تقاوم فاستمتع ههههههه

//

انا يوميا اصبر نفسي ، اقول سعرهم كويس 450 ريال ، وموجودين كل ساعة ،

يعني وقت سحبت عالمحاضرة خرجت لقيت باص ، وقت جلست مع البنات اخرج برضو الاقي باص

مممممم نسيت اقول انو المكيفات يوم لك و يوم عليك !!!!

تهاويل ، الله يخارجنا منهم بخير :(

شوكرن طالب ، قعدت افضفض ههههههههه