طلاب وطالبات المستوى الرابع .. ابغاكم بموضوع

[حسان السراقبي]

حبيبي ربي يسعدك

والله بالنسبة للكتب والمفردات معظمها تغير , بس ما عندي فكرة عن التغيير ايش هو

فأنا حساعدك في يالي عندي والباقي على ربنا

إدارة العمليات أرفقت لك ملخص لهاني عرب بس فيه باب كامل مش موجود , بعض الناس درست منو وجابت درجات لا بأس فيها , ولكن لو تبغى نصيحتي , الاستاذ معتز (مدرس المادة) دائما بيجيب أسئلته من السلايدات يالي بيشرح عليها في المحاضرات , فنزلها من موقعه وذاكر منها , مع ملخص هاني عرب بتكون إن شاء الله بالأمان , والملخص بالمرفقات

قانون الأعمال مالها ملخص على الإطلاق , وأي ملخص لها ما حينفع , علشان مدرس المادة أسئلته تجي من أي مكان من الكتاب , يعني زي الثقافة الاسلامية , فنصيحتي لك لا تعتمد إلا على الكتاب
بس في قبل كده جمال الخديدي سوا خارطة ذهنية بتساعد على حفظ بعض المعلومات الموجودة في الكتاب , وبتمنع عنك اللخبطه في بعض المعلومات , حملها من هذا الرابط

http://www.4shared.com/document/_0-4-XYw/___.html

أما بالنسبة للتسويق , فايش ما كانت المادة فهي سهله وحلوة وبتحاكي الواقع حقنا , كلها معلومات أنت تقدر تستنتجها بنفسك , والأستاذ حمدان الصبحي بيحط الاسئلة معظمها من العرض يالي بيشرح عليه , فلو تقدر تنزله من موقعه بيكون كويس , وخذ معاه ملخص هاني عرب ما أحد اشتكى منه بشيء غير أنو ما يغطي كل المعلومات المطلوبة منك في الكتاب , بس لو أخذت الملخص حق هاني عرب مع العرض حق الأستاذ , إن شاء الله بتضمن الدرجة الكاملة , وهذا هو ملخص هاني عرب

http://www.4shared.com/document/8JSrG-EA/_online.html

هذا أفضل شيء عندي للمواد يالي طلبتها , ولا أنا لو تجي لي , عندي سوسه اسمها كتاب , ما أقدر أذاكر من دونه , فأولا واخيرا اعتمادي على الكتب لأني أبغى التفوق مع النجاح زي ما أتمناه للكل

وبالتوفيق إن شاء الله ^_^